മികച്ച കഥാപാത്രങ്ങളിലൂടെ മലയാളികളെ അമ്പരപ്പിക്കുന്ന നടിയാണ് പാര്‍വതി തിരുവോത്ത്. എന്നാല്‍ അഭിനയത്രി മാത്രമല്ല മികച്ച ഗായിക കൂടിയാണ് പാര്‍വതി. ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത് പാര്‍വതി പാടിയ ഒരു ഗാനമാണ്.
തന്റെ മനം കവര്‍ന്ന ലാല്‍ സിങ് ഛദ്ദയിലെ തെരേ ഹവാലി എന്ന ഗാനമാണ് പാര്‍വതി മനസു തുറന്നു പാടുന്നത്. ഗാനത്തോടുള്ള ഇഷ്ടം പറയുന്ന രസകരമായ കുറിപ്പിനൊപ്പമാണ് താരം വിഡിയോ പങ്കുവച്ചിരിക്കുന്നത്. ഇത്ര മനോഹരമായ ഗാനമുണ്ടാക്കാന്‍ അവര്‍ക്ക് എത്ര ധൈര്യമുണ്ട്. എനിക്ക് ഈ പാട്ട് പാടണം. ഞാന്‍ എങ്ങനെ പാടുന്നു എന്നത് എനിക്കൊരു പ്രശ്‌നമല്ല. ദിവസം മുഴുവനും എനിക്ക് പാടാനാകും. ആരും ഇതില്‍ നിന്ന് രക്ഷപ്പെടില്ല. - പാര്‍വതി കുറിച്ചു.
എന്തായാലും താരത്തിന്റെ പാട്ട് ആരാധകരുടെ മനം കവരുകയാണ്. പാര്‍വതിയെ പ്രശംസിച്ചുകൊണ്ട് നിരവധി പേരാണ് കമന്റ് ചെയ്തിരിക്കുന്നത്. റിമ കല്ലിങ്കല്‍, ശ്രിന്ദ തുടങ്ങിയ നിരവധി താരങ്ങള്‍ കമന്റുകളുമായി പോസ്റ്റിന് കാഴെയെത്തി. അഭിനയത്തിനൊപ്പം സംഗീതത്തിലും കൈവെക്കാനാണ് ആരാധകര്‍ പറയുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
