നിറങ്ങളുടെ ഉത്സവം തീർത്ത് നടൻ സൗബിന്റെ മകൻ ഒർഹാന്റെ നാലാം പിറന്നാൾ. പല നിറത്തിലുള്ള ബലൂണുകൾ കൊണ്ടലങ്കരിച്ച കമാനം മുതൽ നിറങ്ങളുടെ ആഘോഷം തുടങ്ങുകയാണ്. പാർക്കിന്റെ തീമിലായിരുന്നു കേക്കും സ്റ്റേജുമൊക്കെ അലങ്കരിച്ചിരുന്നത്. താരകുടുംബം അണിഞ്ഞ വസ്ത്രങ്ങൾ പോലും ആ ഒരു തീമിനു അനുയോജ്യമായ തരത്തിലായിരുന്നു.
പിറന്നാൾ പാർട്ടിയിലേക്കുള്ള ഒർഹാന്റെ കടന്നു വരവും മകനൊപ്പം സൗബിൻ നൃത്തം ചെയ്യുന്നതുമെല്ലാം താരം ഇൻസ്റ്റാഗ്രാമിലൂടെ പങ്കുവെച്ചിട്ടുണ്ട്. വിഡിയോയ്‌ക്ക് പുറമെ പങ്കുവെച്ച ഒർഹാന്റെ സ്റ്റൈലിഷ് ഫോട്ടോകളും ഇപ്പോൾ സമൂഹമാധ്യമങ്ങൾ കീഴടക്കിയിരിക്കുകയാണ്.
വിഡിയോയും ചിത്രങ്ങളും വൈറലാതോടെ നിരവധി ആളുകളാണ് ഒർഹാന് പിറന്നാൾ ആശംസിച്ച് രംഗത്തെത്തിയത്. 'അപ്പനെ പോലെ തന്നെയാണ് മകനും നടക്കുന്നത്', 'അപ്പന്റെ കോപ്പിയാണോ മകൻ', 'പൊളി കോസ്റ്റ്യൂം' എന്നു തുടങ്ങി ധാരാളം കമന്റുകൾ ചിത്രത്തിന് താഴെ പ്രത്യക്ഷപ്പെട്ടു. സഹസംവിധായകനായി സിനിമ രംഗത്തെത്തിയ സൗബിൻ പ്രേമം എന്ന ചിത്രത്തിലൂടെയാണ് പ്രേക്ഷകർക്കിടയിൽ ശ്രദ്ധിക്കപ്പെടുന്നത്. ‘അയൽവാശി’ ആണ് സൗബിന്റെ അവസാനമായി റിലീസിനെത്തിയ ചിത്രം.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
