ചാവേര്‍, പാപ്പച്ചന്‍ ഒളിവിലാണ് എന്നീ ചിത്രങ്ങളിലൂടെ മലയാളത്തിൽ ശ്രദ്ധിക്കപ്പെട്ട താരമാണ് ജ്യോതി ശിവരാമൻ. മോഡലിങ്ങിലും താരം സജീവമാണ്. ഇപ്പോഴിതാ തനിക്ക് നേരിട്ട ഒരു മോശം അനുഭവത്തെ കുറിച്ച് സോഷ്യൽമീഡിയയിലൂടെ തുറന്നു പറയുകയാണ് ജ്യോതി. ഇൻസ്റ്റഗ്രാമിൽ ഒരു വസ്‌ത്ര വ്യാപാരി തനിക്ക് അയച്ച മോശം മെസേജിന്റെ സ്ക്രീൻഷോട്ടും താരം പങ്കുവെച്ചിട്ടുണ്ട്.
മോഡലിങ് ചെയ്യുമ്പോൾ ബോൾഡ് ലുക്കിൽ പല ഫോട്ടോഷൂട്ടുകളും ചെയ്‌തിട്ടുണ്ട്. ആ ചിത്രങ്ങൾ കണ്ടിട്ട് അഡ്ജസ്റ്റ് ചെയ്യാമോ എന്ന് ചോദിച്ച് തനിക്ക് ഒരു ലേഡീസ്‌വെയർ ഷോപ്പ് ഉടമ അയച്ച സന്ദേശമാണിതെന്നും ജ്യോതി പറയുന്നു. തനിക്ക് കംഫർട്ടബ്ൾ ആയ വസ്ത്രമാണ് താൻ ധരിക്കുന്നതെന്നും അതിന്റെ അർഥം എന്തിനും റെഡിയാണെന്നല്ലെന്നും താരം കുറിപ്പിൽ വ്യക്തമാക്കുന്നുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
