'മകളോട് ഒരു ഫോട്ടോ എടുക്കാൻ പറഞ്ഞാൽ ഇങ്ങനെ ഇരിക്കും'; കല്യാണിയെ ട്രോളി ലിസി, വിഡിയോ
മകൾ കല്യാണിക്കൊപ്പം ലണ്ടനിൽ അവധി ആഘോഷിക്കുന്ന തിരക്കിലാണ് നടി ലിസി. 'അമ്മയും മകളും ഒരുമിച്ചുള്ള യാത്ര' എന്ന അടിക്കുറുപ്പോടെ കഴിഞ്ഞ ദിവസം ലണ്ടനിൽ നിന്നും കല്യാണിക്കൊപ്പമുള്ള ചിത്രങ്ങളും താരം ഇൻസ്റ്റഗ്രാമിലൂടെ പങ്കുവെച്ചിരുന്നു.
ഇപ്പോഴിതാ അമ്മ മകളെ ട്രോളികൊണ്ട് ഇൻസ്റ്റഗ്രാമിൽ പങ്കുവെച്ച ഒരു വിഡിയോയാണ് സോഷ്യൽമീഡിയയിൽ വൈറലാകുന്നത്. 'മകളോട് ഒരു ഫോട്ടോ എടുക്കാൻ പറഞ്ഞാൽ ഇതാണ് അവസ്ഥ' എന്ന അടിക്കുറുപ്പോടെയാണ് ലിസി വിഡിയോ പങ്കുവെച്ചിരിക്കുന്നത്.
ഫോട്ടോയ്‌ക്കെന്ന പോലെ പോസ് ചെയ്യുന്ന ലിസിയെ വിഡിയോയിൽ കാണാം. എന്നാൽ ഫോട്ടോ എന്ന് പറ‍ഞ്ഞ് അമ്മയെ പറ്റിച്ച് കല്യാണി വിഡിയോയാണ് എടുത്തത്. അമ്മയെ കാണാൻ ഇപ്പോൾ ഒരു സൂപ്പർ മോഡലിനെ പോലെ ഉണ്ടെന്നും കല്യാണി വിഡിയോയിൽ പറയുന്നത് കേൾക്കാം.
നിരവധി പേരാണ് ലിസിയുടെ വിഡിയോയ്‌ക്ക് താഴെ കമന്റുമായി രംഗത്തെത്തിയത്. നടിമാരായ രാധിക ശരത്, ഖുശ്ബു സുന്ദർ, പൂർണിമ ഭാഗ്യരാജും കമന്റു ചെയ്‌തവരുടെ കൂട്ടത്തിലുണ്ട്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
