ന്യൂഡല്‍ഹി: തെന്നിന്ത്യന്‍ നടിയും മുന്‍ കോണ്‍ഗ്രസ് എംപിയുമായ ദിവ്യ സ്പന്ദന അന്തരിച്ചെന്ന് വ്യാജ പ്രചാരണം. നടി ഹൃദയാഘാതം മൂലം മരിച്ചെന്ന തരത്തില്‍ സോഷ്യല്‍മീഡിയയിലൂടെയാണ് അഭ്യൂഹങ്ങള്‍ പടര്‍ന്നത്. നിരവധി പേര്‍ അവരുടെ ചിത്രങ്ങള്‍ പങ്കുവെച്ച് അനുശോചനം രേഖപ്പെടുത്തി. ഇതിന് പിന്നാലെ ദിവ്യ സ്പന്ദന മരിച്ചിട്ടില്ലെന്നും ആരോഗ്യത്തോടെ ഇരിക്കുന്നതായും ജനീവയില്‍ ടൂറിലാണെന്നും അടുത്ത വ്യത്തങ്ങള്‍ അറിയിച്ചതോടെയാണ് വ്യാജ പ്രചാരണമാണെന്ന് ബോധ്യമായത്.
ദിവ്യ ആരോഗ്യവതിയാണെന്നും താനിപ്പോള്‍ അവരുമായി സംസാരിച്ചെന്നും മാധ്യമപ്രവര്‍ത്തക ചിത്ര സുബ്രഹ്മണ്യം ട്വീറ്റ് ചെയ്തു. ഒരുകാലത്ത് കന്നഡയിലും തമിഴിലും തിരക്കുള്ള നടിമാരില്‍ ഒരാളായിരുന്നു ദിവ്യ സ്പന്ദന. 2012ല്‍ കോണ്‍ഗ്രസില്‍ ചേര്‍ന്ന അവര്‍ ലോക്‌സഭാംഗവുമായി. 2019ല്‍ കോണ്‍ഗ്രസിന്റെ സോഷ്യല്‍മീഡിയ നേതൃപദവിയില്‍ നിന്നും രാജിവെച്ച ദിവ്യ, പിന്നീട് കോണ്‍ഗ്രസിലോ രാഷ്ട്രീയത്തിലോ സജീവമല്ല.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
