ബിയോൺസിന്റെ സംഗീതത്തിൽ മുഴുകി നിൽക്കുന്നതിനിടയിൽ പ്രസവവേദന പോലും അറിയാതെപോകുമോ! നടി സാറ ഫ്രാൻസിസ് ജോൺസ് പങ്കുവച്ച അനുഭവമാണ് ഈ അതിശയം ബാക്കിയാക്കുന്നത്. ബിയോൺസിന്റെ സംഗീതനിശയ്ക്കിടെ പ്രസവവേദന അനുഭവപ്പെട്ടിട്ടും ഗൗനിക്കാതെ ആടിപ്പാടി പരിപാടി ആസ്വദിക്കുകയായിരുന്നു നടി. സംഗീതപരിപാടി കഴിഞ്ഞതും ആശുപത്രിയിലേക്ക് പാഞ്ഞ സാറ പെൺകുഞ്ഞിനെ പ്രസവിക്കുകയും ചെയ്തു.
ഇക്കഴിഞ്ഞ നാലാം തിയതി ലോസ് ആഞ്ചലസിൽ നടന്ന ബിയോൺസിന്റെ സംഗീതനിശയിലാണ് സാറയും ഭർത്താവ് മാർസെൽ സ്പിയേഴ്സും പങ്കെടുത്തത്. പരിപാടിക്കിടെ വേദന അനുഭവപ്പെട്ടെങ്കിലും പ്രസവത്തിന് ഇനിയും ദിവസങ്ങളുണ്ടെന്ന ചിന്തയിൽ തെറ്റായ സങ്കോചമാകാം എന്നാണ് സാറ കരുതിയത്. ബിയോൺസിന്റെ പരിപാടി ആസ്വദിക്കണമെന്ന ആഗ്രഹം കാരണം സംഗീതനിശയിൽ തുടരാൻ ഇരുവരും തീരുമാനിച്ചു. പക്ഷെ ഷോ കഴിഞ്ഞ് പുറത്തിറങ്ങിയതും സംഭവം യഥാർത്ഥ പ്രസവവേദനയാണെന്ന് മനസ്സിലായി. ഉടനെ ആശുപത്രിയിലേക്ക് പായുകയായിരുന്നു ഇരുവരും.
നിറവയറുമായി സാറ സംഗീതനിശ ആസ്വദിക്കുന്നതും പിന്നാലെ ആശുപത്രിയിലെത്തി പ്രസവിക്കുന്ന ദൃശ്യങ്ങളും കോർത്തിണക്കി താരം വിഡിയോ പങ്കുവച്ചിട്ടുണ്ട്. ആശുപത്രിയിൽ സാറ പെൺകുട്ടിക്ക് ജന്മം നൽകി. നോല എന്നാണ് മകൾക്ക് പേരിട്ടിരിക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ