നിവിൻ പോളിയെ നായകനാക്കി ഡിജോ ജോസ് ആന്റണി സംവിധാനം ചെയ്യുന്ന മലയാളി ഫ്രം ഇന്ത്യയിലെ ഗാനം പുറത്ത്. ചിത്രത്തിന്റെ പ്രമോഷൻ സോങ്ങാണ് പുറത്തുവന്നത്. വേൾഡ് മലയാളി ആന്തം എന്ന് പേരിട്ടിരിക്കുന്ന ഗാനം യൂട്യൂബിൽ ഇതിനോടകം തന്നെ ട്രെൻഡിങ്ങാണ്.
നിവിൻ പോളിയുടേയും ഡിജോ ജോസ് ആന്റണിയുടേയും രസകരമായ സംസാരത്തിൽ നിന്നാണ് വിഡിയോ ആരംഭിക്കുന്നത്. കേരളത്തിന്റെ പ്രത്യേകതകളിലും മതസൗഹാർദത്തിലും ഊന്നൽ നൽകിക്കൊണ്ടാണ് ഗാനം. മികച്ച പ്രതികരണമാണ് വിഡിയോയ്ക്ക് ലഭിക്കുന്നത്. അങ്ങനെ മലയാളികൾക്കും ഒരു പാട്ടായി എന്നാണ് ആരാധരുടെ കമന്റുകൾ. ഒരോ മലയാളിയുടെ അഭിമാനമുണർന്നതാണ് കമന്റുകളുണ്ട്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഒരു മുഴുനീള ഫാമിലി-കോമഡി എന്റര്‍ടെയ്നറാണ് ചിത്രം. നിവിന്‍ പോളിയുടെ കരിയറിലെ എറ്റവും വലിയ മുതല്‍ മുടക്കിലൊരുങ്ങുന്ന ചിത്രമാണിത്. നിവിനൊപ്പം ധ്യാൻ ശ്രീനിവാസനാണ് പ്രധാന വേഷത്തിലെത്തുന്നത്. അനശ്വര രാജനാണ് നായിക. ചിത്രത്തിന്റെ രചന നിര്‍വ്വഹിച്ചിരിക്കുന്നത് ഷാരിസ് മുഹമ്മദ് ആണ്. മെയ് ഒന്നിനാണ് ചിത്രം തിയേറ്ററുകളിലെത്തുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
