ആനുരാഗ് കശ്യപ് മലയാളത്തിലേക്ക്; ആഷിഖ് അബു ചിത്രത്തിൽ വില്ലൻ വേഷത്തിൽ
ബോളിവുഡ് സംവിധായകൻ അനുരാഗ് കശ്യപ് മലയാളത്തിലേക്ക്. ആഷിഖ് അബു സംവിധാനം ചെയ്യുന്ന റൈഫിൾ ക്ലബ്ബിൽ വില്ലൻ വേഷത്തിലാണ് അനുരാഗ് അഭിനയിക്കുക. ചിത്രത്തിന്റെ കാസ്റ്റിംഗ് കോള്‍ പോസ്റ്ററിന് താഴേ അഭിനയിക്കാൻ താൽപ്പര്യമുണ്ടെന്ന് അനുരാഗ് കശ്യപ് അറിയിച്ചിരുന്നു. ഇതോടെയാണ് പ്രധാന വേഷത്തിലേക്ക് താരത്തെ പരിഗണിച്ചത്.
'അതിഥി വേഷത്തിന് നിങ്ങള്‍ക്ക് മുംബൈയില്‍ നിന്ന് ഒരു ഉത്തരേന്ത്യന്‍ നടനെ ആവശ്യമുണ്ടോ' എന്നായിരുന്നു കാസ്റ്റിങ് കോൾ പോസ്റ്ററിനു താഴെ അനുരാഗ് കശ്യപ് കമന്റ് ചെയ്തത്. 'അതെ സര്‍ജി, സ്വാഗതം' എന്ന് ആഷിഖ് അബു മറുപടി നൽകുകയും ചെയ്തിരുന്നു. തെന്നിന്ത്യയിൽ സജീവമാവുകയാണ് അനുരാഗ് കശ്യപ്. നയന്‍താര ചിത്രം ഇമൈക്ക നൊടികളില്‍ വില്ലനായി അനുരാഗ് കശ്യപ് തമിഴില്‍ അഭിനയിച്ചിരുന്നു. കൂടാതെ ലോകേ
സൗബിന്‍ ഷാഹിര്‍, ദിലീഷ് പൊത്തൻ എന്നിവരെ പ്രധാന കഥാപാത്രങ്ങളാക്കി ആഷിഖ് അബു സംവിധാനം ചെയ്യുന്ന ചിത്രമാണ് റൈഫിൽ ക്ലബ്ബ്. ദിലീഷ് കരുണാകരനും ഷറഫും സുഹാസും ചേർന്നാണ് ചിത്രത്തിന്റെ തിരക്കഥയൊരുക്കുന്നത്. ചിത്രത്തേക്കുറിച്ചുള്ള കൂടുതൽ പുറത്തുവന്നിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
