തെന്നിന്ത്യൻ സൂപ്പർതാരങ്ങളായ ധനുഷിന്റേയും മഹേഷ് ബാബുവിന്റേയും പുതിയ ചിത്രങ്ങളായ ക്യാപ്റ്റൻ മില്ലറും ഗുണ്ടൂർ കാരവും ഉൾപ്പടെ നിരവധി സിനിമകളാണ് ഈ ആഴ്ച ഒടിടിയിൽ റിലീസിന് എത്തുന്നത്. പ്രേക്ഷകർ കാത്തിരിക്കുന്ന ഈ ആഴ്ചയിലെ ഒടിടി റിലീസുകൾ.
ക്യാപ്റ്റൻ മില്ലർ
ധനുഷ് പ്രധാന വേഷത്തിലെത്തിയ ചിത്രം ക്യാപ്റ്റൻ മില്ലർ ആമസോൺ പ്രൈമിലൂടെയാണ് സ്ട്രീമിങ്ങിന് എത്തുന്നത്. ചിത്രം ഫെബ്രുവരി ഒൻപതിന് റിലീസ് ചെയ്യും. തമിഴ്, തെലുങ്ക്, മലയാളം, കന്നഡ ഭാഷകളിലാണ് ചിത്രം എത്തുക. അരുൺ മാതേശ്വരനാണ് ചിത്രം തിരക്കഥയൊരുക്കി സംവിധാനം ചെയ്തത്.
ഗുണ്ടൂർ കാരം
സൂപ്പർതാരം മഹേഷ് ബാബു നായകനായി എത്തിയ ചിത്രമാണ് ഗുണ്ടൂർകാരം. നെറ്റ്ഫ്ളിക്സിലൂടെ ഫെബ്രുവരി 9 മുതലാണ് ചിത്രം സ്ട്രീമിങ്ങിന് എത്തുന്നത്. തെലുങ്ക്, തമിഴ്, കന്നഡ, മലയാളം,ഹിന്ദി ഭാഷകളിൽ ചിത്രം ലഭ്യമാകും. ത്രിവിക്രം സംവിധാനം ചെയ്ത ചിത്രത്തിൽ നായികയായി എത്തിയത് ശ്രീ ലീല ആണ്.
ആര്യ 3
സുസ്മിത സെൻ പ്രധാന വേഷത്തിലെത്തുന്ന ക്രൈം ഡ്രാമ സീരീസാണ് ആര്യ 3. ഡിസ്നി പ്ലസ് ഹോട്ട്സ്റ്റാറിലൂടെ ഫെബ്രുവരി 9നാണ് അവസാന സീസൺ എത്തുക.
ഭക്ഷക്
അന്വേഷാത്മക പത്രപ്രവർത്തകയായി ഭൂമി പട്നേക്കർ എത്തുന്ന ചിത്രമാണ് ഭക്ഷക്. നെറ്റ്ഫ്ളിക്സിലൂടെ ഫെബ്രുവരി 9നാണ് ചിത്രം സ്ട്രീമിങ് ആരംഭിക്കുക. ക്രൈം ത്രില്ലറാണ് ചിത്രം.
ദി മാർവൽ
മാർവൽ സിനിമാറ്റിക് യൂണിവേഴ്സിലെ ദി മാർവൽ ഒടിടി റിലീസിന് എത്തുകയാണ്. ഡിസ്നി പ്ലസ് ഹോട്ട്സ്റ്റാറിലൂടെ ഫെബ്രുവരി ഏഴിനാണ് ചിത്രം എത്തുക. ബ്രി ലാർസൺ, ടെയോന പാരിസ്, ഇമൻ വെല്ലനി എന്നിവരാണ് പ്രധാന വേഷത്തിൽ എത്തിയത്. ഹിന്ദി, ഇംഗ്ലീഷ്, തമിഴ്, തെലുങ്ക് ഭാഷകളിൽ ചിത്രം ലഭ്യമാകും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
