ദിവസങ്ങൾക്ക് മുൻപാണ് മലയാളത്തിന്റെ പ്രിയങ്കരിയായ സ്വാസിക വിജയ് വിവാഹിതയായത്. സീരിയൽ താരമായ പ്രേം ജേക്കബ് ആയിരുന്നു വരൻ. ഏറെ നാളത്തെ പ്രണയത്തിന് ശേഷമായിരുന്നു വിവാഹം. അതിനാൽ തന്നെ താരം തന്റെ വിവാഹം ആഘോഷമാക്കിയിരുന്നു. ദിവസങ്ങൾ നീണ്ടു നിന്ന വിവാഹ ആഘോഷത്തിന്റെ ചിത്രങ്ങളും വിഡിയോകളും നിറയുകയാണ് സ്വാസികയുടെ ഇൻസ്റ്റഗ്രാം ഫീഡ്.
വിവാഹത്തിന് മുൻപ് തന്റെ സുഹൃത്തുക്കൾക്കായി ദമ്പതികൾ പൂൾ പൂർട്ടി സംഘടിപ്പിച്ചിരുന്നു. പൂട്ടും ഡാൻസുമായി പൂളിലായിരുന്നു ആഘോഷം. ഇതിന്റെ വിഡിയോയും താരം സോഷ്യൽ മീഡിയിയയിൽ പങ്കുവച്ചിരുന്നു. നിരവധി പേർ വിഡിയോയ്ക്ക് താഴെ ആശംസകൾ അറിയിച്ചു. എന്നാൽ അതിനൊപ്പം തന്നെ രൂക്ഷ വിമർശനങ്ങളും അധിക്ഷേപങ്ങളും വിഡിയോയ്ക്ക് താഴെ നിറയുകയാണ്.
വെള്ളമടി, അനാശാസ്യം എല്ലാം ഒന്നിച്ചുള്ളൊരു പാക്കേജ് എന്നായിരുന്നു ഒരാളുടെ കമന്റ്. ഇതിന് മറുപടിയുമായി സ്വാസിക രംഗത്തെത്തി. അതെ എന്നാണ് താരം മറുപടി നൽകിയത്. എത്ര നാളത്തേക്ക് ഉണ്ടാകുമോ ആവോ എന്നായിരുന്നു ഒരാളുടെ കമന്റ്. അടുത്തതായി അവതരിപ്പിക്കുന്നു കിടപ്പറ രംഗം, 100 ദിവസം ഓടുമോ എന്തോ. കാത്തിരുന്ന് കാണാം എന്നെല്ലാമാണ് വിഡിയോയ്ക്ക് താഴെ വരുന്നത്. മറ്റുള്ളവരുടെ സന്തോഷ നിമിഷങ്ങൾ കാണുമ്പോൾ എങ്ങനെയാണ് ഇതുപോലെ ചിന്തിക്കാനാവുന്നത് എന്നാണ് വിമർശകരോട് സ്വാസികയുടെ ആരാധകർ ചോദിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ