മലയാളികളുടെ പ്രിയങ്കരിയാണ് ഗായിക കെഎസ് ചിത്ര. ചിത്രയും ഭർത്താവ് വിജയ് ശങ്കറും 37ാം വിവാഹവാർഷികം ആഘോഷിക്കുകയാണ്. ഇപ്പോൾ സോഷ്യൽ മീഡിയയിൽ വൈറലാവുന്നത് ഇരുവർക്കും ആശംസ നേർന്ന് അവതാരക രഞ്ജിനി ഹരിദാസ് പങ്കുവച്ച കുറിപ്പാണ്.
എന്റെ ഏറ്റവും പ്രിയപ്പെട്ട രണ്ട് മനുഷ്യര്‍ക്ക് വിവാഹ വാര്‍ഷികാശംസകള്‍. ഒന്നിച്ചതിന്റെ 37ാം വാര്‍ഷികം ആഘോഷിക്കുകയാണ് ഇവര്‍. എന്റെ പൂച്ച ചേച്ചിയും വിജയന്‍ ചേട്ടനും. ജീവിതകാലം മുഴുവന്‍ നിങ്ങള്‍ക്ക് സന്തോഷവും സ്നേഹവും ആരോഗ്യവും അഭിവൃദ്ധിയുമുണ്ടാകട്ടെ എന്ന് ആശംസിക്കുന്നത്. വ്യക്തികള്‍ എന്ന നിലയില്‍ നിങ്ങള്‍ രണ്ട് ധ്രുവത്തിലാണ്. ഒന്നിച്ച് നിങ്ങളൊരു വിജയകൂട്ടുകെട്ടാണ്. എന്റെ ജീവിതത്തിൽ നിങ്ങള്‍ രണ്ടുപേരും ഉള്ളതിൽ എനിക്ക് അതിയായ സന്തോഷമുണ്ട്. ഒന്ന് ശാന്തമായ സ്നേഹശക്തിയായും മറ്റൊന്ന് ആഞ്ഞടിക്കുന്ന സുനാമി പോലെയും! ഈ വിശേഷ ദിനത്തിൽ ചേച്ചിക്കും വിജയൻ ചേട്ടനും ഒത്തിരി ഒത്തിരി സ്നേഹവും ആശംസകളും നേരുന്നു.- രഞ്ജിനി ഹരിദാസ് കുറിച്ചു.
താരങ്ങൾ ഉൾപ്പടെ നിരവധി പേരാണ് ദമ്പതികൾക്ക് വിവാഹആശംസകൾ അറിയിച്ചിരിക്കുന്നത്. ചിത്രയുമായി രഞ്ജിനിയുടെ ആത്മബന്ധത്തെ പ്രശംസിച്ചും നിരവധി പേർ എത്തുന്നുണ്ട്. 1987ലാണ് ചിത്രയും വിജയ് ശങ്കറും വിവാഹിതരാവുന്നത്. ഇരുവർക്കും മകൾ പിറന്നെങ്കിലും അകാലത്തിൽ വിടപറയുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
