യാത്രകളിലെ കാഴ്ചകൾ മാത്രമല്ല ഇഷ്ടപ്പെട്ട ഫുഡ് സ്പോർട്ടുകളും ആരാധകരുമായി പങ്കുവെക്കാറുണ്ട് ഗായികയും അവതാരകയുമായ റിമി ടോമി. അത്തരത്തിൽ എല്ലാവരെയും കൊതിപ്പിക്കുന്ന ഒരു വിഡിയോയുമായാണ് റിമി വീണ്ടും എത്തിയിരിക്കുന്നത്.
പാലക്കാട് പോകുന്നതിനിടെ തൃശൂർ-പാലക്കാട് റൂട്ടിലെ ഒരു ഹോട്ടലിൽ ഊണു കഴിക്കുന്ന വിഡിയോയാണ് താരം പങ്കുവെച്ചത്. വാഴയിലയിലാണ് ഊണ്, അയല വറുത്തതും ഇരുമ്പൻപുളി അച്ചാറും കാന്താരി ചമ്മന്തിയും ബീറ്റ്റൂട്ട് തോരനുമൊക്കെയാണ് വിഭവങ്ങൾ. എല്ലാം കൂടി കൂട്ടിക്കുഴച്ച് കഴിപ്പിച്ച് കൊതിപ്പിക്കരുതെ എന്നാണ് ആരാധകരുടെ അപേക്ഷ.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
'ഹാ! ഉഗ്രൻ ഊണ്' എന്നാണ് ഒരു ഉരുള കഴിച്ച ശേഷം റിമി പ്രതികരിക്കുന്നത്. വീട്ടിലുണ്ടാക്കുന്ന പോലത്തെ രുചിയെന്നും പറഞ്ഞാണ് വിഡിയോയിൽ താരം കൊതിപ്പിക്കുന്നത്. പ്രമുഖരടക്കം നിരവധി ആളുകളാണ് വിഡിയോയ്ക്ക് താഴെ കമന്റുകളുമായി എത്തിയത്. കൊതിപ്പിക്കുകയാണെന്നായിരുന്നു സാധിക വേണുഗോപാലിന്റെ കമന്റ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ