കൊച്ചി: മഞ്ഞുമ്മല് ബോയ്സ് എന്ന സിനിമയെക്കുറിച്ച് എഴുത്തുകാരന് ജയമോഹന്റെ പരാമര്ശങ്ങളില്, പറഞ്ഞ രീതി ശരിയല്ലാത്തതും ഭാഷാപരമായ പ്രശ്നങ്ങളുമാണുള്ളതെന്ന് നടനും സംവിധായകനുമായ മധുപാല്. എന്നാല് ചില കാര്യങ്ങളില് ശരിയല്ലാത്തതുണ്ടെന്നും ചിലതില് യോജിക്കുന്നുവെന്നും മധുപാല് സമകാലിക മലയാളത്തോട് പറഞ്ഞു.
ഒരു വ്യക്തിക്ക് അയാളുടെ അഭിപ്രായം പറയാം. അത് പറയാനേ പാടില്ല എന്നത് ഞാനെടുക്കുന്നില്ലെന്നേയുള്ളൂ. പക്ഷേ, പറഞ്ഞ രീതികള് ശരിയായില്ല. ഭാഷ ഉപയോഗിക്കാന് അറിയാത്തതാണ് പ്രശ്നം. നിങ്ങള്ക്ക് അദ്ദേഹത്തെ വ്യക്തിപരമായി അറിയാത്തതുകൊണ്ടാണ്. വാചക ഘടന, വാക്കുകള് എന്നിവയില് പ്രശ്നങ്ങള് ഉണ്ട്. ജയമോഹനോട് തന്നെ ഈ വിഷയം സംസാരിച്ചിരുന്നു. യാത്ര ചെയ്യുന്ന ആളെന്ന നിലയില് അദ്ദേഹം പറഞ്ഞ ചില കാര്യങ്ങളോട് യോജിപ്പുണ്ട്.
മഞ്ഞുമ്മല് ബോയ്സ് എന്ന സിനിമ ടെക്നിക്കലി, ഇമോഷണലി ആളുകളെ വളരെ കൃത്യമായി ക്യാച്ച് ചെയ്യുന്ന സിനിമയാണ്. അതിലെ ഇമോഷന്സ് അല്ല പുള്ളി കണ്ടത്. അതിലെ നെഗറ്റിവിറ്റിയാണ് കണ്ടത്. സിനിമയെക്കുറിച്ച് മാത്രമായിരുന്നു പറഞ്ഞിരുന്നെങ്കില് കുറച്ചു കൂടി ജെനുവിന് ആയിരുന്നേനെയെന്നും മധുപാല് പറഞ്ഞു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
മഞ്ഞുമ്മല് ബോയ്സ് എന്ന സിനിമയെക്കുറിച്ചുള്ള ബ്ലോഗില് തമിഴ്-മലയാളം എഴുത്തുകാരന് ജയമോഹന് മലയാളികളെ പെറുക്കികള് എന്ന് വിളിച്ചതിനെത്തുടര്ന്നായിരുന്നു വിവാദങ്ങള് ഉണ്ടായത്. തുടര്ന്ന് വിവാദത്തിന് രാഷ്ട്രീയ മാനവും കൈവന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ