'പുഷ്പ' എന്ന ചിത്രം സംവിധായകൻ സുകുമാറിനോടുള്ള ശുദ്ധമായ സ്നേഹവും സഹകരണവും മാത്രണാണെന്ന് നടൻ ഫഹദ് ഫാസിൽ. ആ ചിത്രത്തിലെ ഭൻവർ സിംഗ് ഷെഖാവത്ത് എന്ന പൊലീസ് കഥാപാത്രം തന്റെ കരിയറിൽ പ്രത്യേകിച്ച് മാറ്റങ്ങളൊന്നും വരുത്തിയിട്ടില്ലെന്നും ഫഹദ് ഫിലിം കമ്പനിക്ക് നൽകിയ അഭിമുഖത്തിൽ പറഞ്ഞു.
അല്ലു അർജുൻ നായകനായി 2021ൽ പുറത്തിറങ്ങിയ പുഷ്പയിൽ വില്ലൻ വേഷത്തിലാണ് ഫഹദ് എത്തിയത്. പുഷ്പയുടെ രണ്ടാം ഭാഗത്തിലും ഇതേ കഥാപാത്രമായി ഫഹദ് ചിത്രത്തിൽ എത്തുന്നുണ്ട്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
'പുഷ്പയുടെ രണ്ടാം ഭാഗം റിലീസിന് ശേഷം വലിയൊരു മാജിക്കാണ് പ്രേക്ഷകർ എന്നിൽ നിന്നും പ്രതീക്ഷിക്കുന്നത്. എന്നാൽ ഈ ചിത്രം യഥാർഥത്തിൽ സുകുമാർ സാറിനോടുള്ള ശുദ്ധമായ സഹകരണവും സ്നേഹവുമാണ്. എനിക്ക് ചെയ്യാനുള്ളത് ഞാൻ ഇവിടെ ചെയ്യുന്നുണ്ട്. ആരോടും ബഹുമാനക്കുറവില്ല. എന്റെ ജീവിതം മലയാള സിനിമയാണ്'- ഫഹദ് പറഞ്ഞു.
രാജ്യത്തിനും അകത്തും പുറത്തും തരംഗ സൃഷ്ടച്ച പുഷ്പ: ദി റൂളിന്റെ രണ്ടാം ഭാഗം ഏറെ പ്രതീക്ഷയോടെയാണ് ആരാധകർ കാത്തിരിക്കുന്നത്. രശ്മിക മന്ദാനയാണ് രണ്ടാം ഭാഗത്തിലും നായികയായി എത്തുന്നത്. ചിത്രം ഓഗസ്റ്റ് 15ന് സ്വാതന്ത്ര്യദിനത്തോടനുബന്ധിച്ച് തിയേറ്ററുകളിലെത്തും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
