ഗെയിം ഓഫ് ത്രോൺസ് താരം അയാൻ ഗെൽഡർ (74) അന്തരിച്ചു. അർബുദത്തെ തുടർന്ന് കഴിഞ്ഞ ഒരു വർഷമായി അദ്ദേഹം ചികിത്സയിലായിരുന്നു. ജീവിതപങ്കാളിയും സഹതാരവുമായ ബെൻ ഡാനിയൽസ് തന്റെ ഇൻസ്റ്റഗ്രാമിലൂടെ ഗെൽഡറിന്റെ മരണ വാർത്ത അറിയിച്ചത്.
ഗെയിം ഓഫ് ത്രോൺസ് എന്ന വെബ് സീരീസിലെ കെവാൻ ലാനിസ്റ്റർ എന്ന വേഷം അവിസ്മരണീയമാക്കിയ നടനായിരുന്നു ഗെൽഡർ. കഴിഞ്ഞ ഡിസംബർ മുതൽ ഗെൽഡർ അർബുദത്തോട് പോരാടുകയായിരുന്നുവെന്നും ഡാനിയൽസ് കുറിച്ചു. കഴിഞ്ഞ 30 വർഷമായി ഇരുവരും ജീവിത പങ്കാളികളാണ്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
ഈ വർഷമാദ്യം ബിബിസി വണ്ണിന്റെ പീരിയോഡിക്കൽ ഡിറ്റക്ടീവ് സീരീസായ ഫാദർ ബ്രൗണിൽ ഗെൽഡർ വേഷമിട്ടിരുന്നു. 'ടോർച്ച് വുഡ്', 'ഹിസ് ഡാർക്ക് മെറ്റീരിയൽസ്', 'ഡോക്ടർ ഹു', 'സ്നാച്ച്', 'ദ ബിൽ' തുടങ്ങിയ പരമ്പരകളിൽ ശ്രദ്ധേയമായ വേഷം അവതരിപ്പിച്ചു. പ്രമുഖരടക്കം നിരവധി ആളുകളാണ് ഗെൽഡറിന് ആദരാഞ്ജലി അർപ്പിച്ച് എത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ