തിരിച്ചെത്തിയ നോട്ടുകള്‍ എത്രയെന്ന് വെളിപ്പെടുത്താത്തത് എന്തുകൊണ്ടെന്ന് യെച്ചൂരി

ന്യൂഡല്‍ഹി: നോട്ട് അസാധുവാക്കല്‍ നടപടിക്കു ശേഷം തിരിച്ചെത്തിയ പഴയ നോട്ടുകള്‍ എത്രയെന്ന് സര്‍ക്കാര്‍ വെളിപ്പെടുത്താത്തത് എന്തുകൊണ്ടെന്ന് സിപിഎം ജനറല്‍ സെക്രട്ടറി സീതാറാം യെച്ചൂരി. ഇത്രകാലമായിട്ടും സര്‍ക്കാര്‍ എന്തുകൊണ്ടാണ് തിരിച്ചെത്തിയ നോട്ടുകളുടെ കണക്കുകള്‍ പുറത്തുവിടാത്തതെന്് യെച്ചൂരി ട്വിറ്ററില്‍ ചോദിച്ചു.

മോദി സര്‍ക്കാരിന്റെ കാര്യക്ഷമതയില്ലായ്മയാണോ ഇതിലൂടെ വെളിവാകുന്നതെന്ന് യെച്ചൂരി ചോദിച്ചു. സര്‍ക്കാരിന് എന്തെങ്കിലും മറച്ചുവയ്ക്കാനുള്ളതുകൊണ്ടാണോയെന്ന സംശയങ്ങള്‍ ഉയരുന്നുണ്ടെന്നും യെച്ചൂരി പറഞ്ഞു.