ദേശീയം
കള്ളപ്പണം വെളുപ്പിച്ചതിന് ലാലുവിന്റെ മകള്‍ക്ക് ഇന്‍കം ടാക്‌സ് നോട്ടീസ്
ജൂണ്‍ ആദ്യവാരം ചോദ്യം ചെയ്യലിനായി ഹാജരാവണം എന്നാവശ്യപ്പെട്ട് കൊണ്ടാണ് നോട്ടീസ്.
ന്യൂഡെല്‍ഹി: കള്ളപ്പണം വെളുപ്പിച്ചെന്ന സംശയത്തെ തുടര്‍ന്ന് ലാലു പ്രസാദ് യാദവിന്റെ മകളും രാജ്യസഭാ എംപിയുമായ മിസാ ഭാരതിക്കും ഭര്‍ത്താവ് ശൈലേഷ് കുമാറിനും ആദായനികുതി വകുപ്പിന്റെ നോട്ടീസ്. ജൂണ്‍ ആദ്യവാരം ചോദ്യം ചെയ്യലിനായി ഹാജരാവണം എന്നാവശ്യപ്പെട്ട് കൊണ്ടാണ് നോട്ടീസ്.
ബിനാമി ഇടപാടുകളെക്കുറിച്ചുള്ള അന്വേഷണത്തിന്റെ ഭാഗമായി ലാലുപ്രസാദ് യാദവിന്റേയും മക്കളുടേയും ഡല്‍ഹി മേഖലയിലെ 22 സ്ഥലങ്ങളില്‍ ആദായനികുതി വകുപ്പ് റെയ്ഡ് നടത്തിയിരുന്നു. ലാലു കുടുംബത്തിനെതിരെ ബിജെപി നേതാവും മുന്‍ബീഹാര്‍ ഉപമുഖ്യമന്ത്രിയുമായ സുശീല്‍ കുമാര്‍ മോദി അഴിമതി ആരോപണങ്ങള്‍ ഉയര്‍ത്തിയതിന് പിന്നാലെയാണ് ഇവരുടെ വീടുകളില്‍ ആദായനികുതി വകുപ്പിന്റെ റെയ്ഡ് നടന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
