ന്യൂഡല്ഹി: ദേശീയ ന്യൂനപക്ഷ കമ്മിഷന് വൈസ് ചെയര്മാനായി ബിജെപി നേതാവ് ജോര്ജ് കുര്യനെ നിയമിച്ചു. കമ്മിഷന് അംഗമായി ജോര്ജ് കുര്യനെ നേരത്തെ തിരഞ്ഞെടുത്തിരുന്നു.
ജോര്ജ് കുര്യനെ വൈസ് ചെയര്മാനായി മന്ത്രി മുഖ്താര് അബ്ബാസ് നഖ്്വി നിയമിച്ചതായി ഔദ്യോഗിക പത്രക്കുറിപ്പ് അറിയിച്ചു. ഉത്തര്പ്രദേശില്നിന്നുളള സയിദ് ഘയോറുല് ഹസന് റിസ്വിയാണ് ന്യൂനപക്ഷ കമ്മിഷന് അധ്യക്ഷന്. സുലേഖ കുംഭാരെ, സുനില് സിംഗി, വദ ദസ്തുര്ജി തുടങ്ങിയവരാണ് കമ്മിഷനിലെ മറ്റ് അംഗങ്ങള്.
രാജ്യത്തെ ന്യൂനപക്ഷങ്ങളുടെ സ്ഥിതി ഗൗരവത്തോടെ പഠിച്ചാവും കമ്മിഷന് നടപടികളിലേക്കു കടക്കുകയെന്ന് ജോര്ജ് കുര്യന് പ്രതികരിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ