അഹമ്മദാബാദ്: താന് ഉള്പ്പെടെയുള്ള ഇന്ത്യയിലെ സ്ത്രീകള് ജീവിതത്തിലെ ഒരു ഘട്ടത്തില് ലൈംഗീകാതിക്രമത്തിന് ഇരയായിട്ടുള്ളവരാണെന്ന് ബിജെപി എംപി പൂനം മഹാജന്. ഈ ലൈംഗീകാതിക്രമങ്ങള്ക്കുള്ള മറുപടി സ്വയം പഴിക്കല് അല്ലെന്നും റെഡ് ബ്രിക് സമ്മിറ്റില് പങ്കെടുത്തുകൊണ്ട് പൂനം മഹാജന് പറഞ്ഞു.
പഠിക്കുന്ന സമയത്ത് ട്രെയിനിലായിരുന്നു തന്റെ യാത്രകള്. മോശമായ രീതിയിലുള്ള നോട്ടങ്ങള് ട്രെയിനിലെ യാത്രയ്ക്കിടയില് നേരിടേണ്ടി വന്നിട്ടുണ്ട്. ഈ സമയം തനിക്ക് ഒരിക്കല് പോലും സ്വയം അപമാനിതയായോ, തന്റെ തെറ്റാണെന്നോ തോന്നിയിട്ടില്ലെന്നും ബിജെപി എംപി പറഞ്ഞു.
ഇന്ത്യയിലെ സ്ത്രീകള്ക്ക് ഈ നോട്ടം നേരിടേണ്ടി വരികയും, സ്വകാര്യ ഭാഗങ്ങളില് അനധികൃതമായി സ്പര്ശിക്കാന് ശ്രമിക്കുന്നതിനെ അഭിമുഖീകരിക്കുകയും ചെയ്യേണ്ടി വന്നിട്ടുണ്ട്. നിങ്ങളെ ആക്രമിക്കാന് ആരെങ്കിലും തുനിഞ്ഞാല് അവരുടെ കരണത്തടിക്കുക. അല്ലാതെ അവരെന്താണ് അങ്ങിനെ ചെയ്തത് എന്ന് ആലോചിച്ച് നില്ക്കുകയല്ല വേണ്ടതെന്നും പൂനം മഹാജന് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ