ന്യൂഡല്ഹി: എയര് ഇന്ത്യ വില്ക്കാന് കേന്ദ്രസര്ക്കാര് തയ്യാറെടുക്കുന്നതായി റിപ്പോര്ട്ടുകള്. വാങ്ങാനാളുണ്ടെങ്കില് എയര് ഇന്ത്യ വിറ്റ് ഈ സാമ്പത്തിക വര്ഷം 2,500 കോടി രൂപ ലാഭമുണ്ടാക്കാനാണ് സര്ക്കാര് ലക്ഷ്യമിടുന്നത്. നിരവധി പൊതുമേഖലാ സ്ഥാപനങ്ങളുടെ ഓഹരികള് വിറ്റഴിക്കുന്നതിനൊപ്പം എയര് ഇന്ത്യയും വില്ക്കാനാണ് ആലോചന.
നഷ്ടത്തിലോടുന്ന എയര് ഇന്ത്യയുടെ ഓഹരികള് വിറ്റഴിക്കാന് ജൂണിലാണ് സര്ക്കാര് തീരുമാനിത്. എയര് ഇന്ത്യ ഓഹരി വിറ്റഴിക്കാന് സാമ്പത്തിക കാര്യങ്ങള്ക്കായുള്ള മന്ത്രിസഭ യോഗം ജൂണ് 28ന് അനുമതി നല്കിയിരുന്നു.
കേന്ദ്ര പൊതുമേഖലാ വ്യവസായ സ്ഥാപനങ്ങളുടെ ഓഹരികള് വിറ്റഴിക്കുന്നതിലൂടെ 2017-18 ല് 72500 കോടിയുടെ ലാഭമുണ്ടാക്കാന് സാധിക്കുമെന്ന് ബജറ്റില് നിര്ദേശമുണ്ടായിരുന്നു. ഇത് പ്രാവര്ത്തികമാക്കുന്നതിനെപ്പറ്റി ചര്ച്ച ചെയ്യാന് ധമന്ത്രി അരുണ് ജെയ്റ്റ്ലിയുടെ നേതൃത്വത്തില് യോഗം ചേര്ന്നിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ