ന്യൂഡല്ഹി: ഇന്ത്യയിലെ പ്രധാനപ്പെട്ട സര്വകലാശാലകളുടെ വെബ്സൈറ്റുകള് പകിസ്ഥാന് അനുകൂല സംഘടനകള് ഹാക്ക് ചെയ്തതയായി വാര്ത്തകള്. ഡല്ഹി യൂണിവേഴ്സിറ്റി, അലിഗഡ് യൂണിവേഴ്സിറ്റി അടക്കമുള്ളവയുടെ സൈറ്റുകളാണ് ഹാക്ക് ചെയ്യപ്പെട്ടിരിക്കുന്നത്. പിഎച്ച്സി എന്ന് സ്വയം പരിചയപ്പെടുത്തിയ ഹാക്കേര്സ് സൈറ്റുകളില് ഇന്ത്യാ വിരുദ്ധ മുദ്രാവാക്യങ്ങളും സൈനികര്ക്കെതിരിയെള്ള മുദ്രാവാക്യങ്ങളും പ്രസിദ്ധീകരിച്ചു.
നിങ്ങളുടെ ഹീറോകള്(സൈന്യം) കാശ്മീരില് ചെയ്യുന്നത് എന്താണെന്ന് നിങ്ങള്ക്കറിയാമോ?അവര് നിരപരാധികളെ കാശ്മീരില് കൊല്ലുന്ന കാര്യം നിങ്ങള്ക്കറിയാമോ? അവര് പെണ്കുട്ടികളെ പീഡിപ്പിച്ചിരുന്നത് നിങ്ങള്ക്കറിയാമോ? ഇപ്പോഴും അവര് കാശ്മീരി പെണ്കുട്ടികളെ പീഡിപ്പിക്കുന്നത് നിങ്ങള്ക്കറിയാമോ? നിങ്ങളുടെ സഹോദരനോ സഹോദരിയോ അമ്മയോ അച്ഛനോ കൊല്ലപ്പെട്ടാല് നിങ്ങള് എങ്ങനെ പ്രതികരിക്കും? നിങ്ങളുടെ അമ്മയേയും സഹോദരിയേയും ചിലര് ബലാത്സംഗം ചെയ്താല് നിങ്ങള് എങ്ങനെ പ്രതികരിക്കും? നിങ്ങളുടെ ജീവിതം നശിപ്പിക്കുന്നതും കുടുംബം തകര്ക്കുന്നതും ചെയ്യുന്നത് ശീലമാക്കിയാല് നിങ്ങള് എന്തുചെയ്യും? അലിഗഡ് സര്വ്വകലാശാലയിലെ വെബ്സൈറ്റില് പ്രത്യക്ഷപ്പെട്ട മെസ്സേജുകളില് ഹാക്ക് ചെയ്തവര് ചോദിക്കുന്നു.
പത്തോളം സര്ക്കാര് സൈറ്റുകള് ഹാക്ക് ചെയ്യപ്പെട്ടിട്ടുണ്ടെന്നാണ് വിവരം. ഡല്ഹി യൂണിവേഴ്സറ്റിയുടെ സൈറ്റിന് പ്രശ്മനുണ്ടെന്നും ഉടനെ പരിഹരിക്കുമെന്നും സര്വ്വകലാശാല അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ