മുംബൈ: അമിത ഭാരത്തിന് ചികിത്സ തേടി ഈജിപിതില്‍നിന്നും ഇന്ത്യലെത്തിയ ഇമാന്‍ അഹമ്മദ് ആശുപത്രി വിട്ടു. മുംബൈയിലെ സെയ്ഫി ആശുപത്രിയിലെ ചികിത്സക്കൊടുവില്‍ ശരീരഭാരം പകുതിയായി കുറച്ച ശേഷമാണ് ഇമാന്‍ കൂടുതല്‍ ചികിത്സകള്‍ക്കായി യുഎഇയിലേക്ക് തിരിച്ചത്. യുഎഇയിലെ വിപിഎസ് ബുര്‍ജീല്‍ ആശുപത്രിയിലായിരിക്കും ഇമാന്റെ ഇനിയുള്ള ചികിത്സ.
ഇന്ത്യയില്‍ എത്തിയപ്പോള്‍ 500 കിലോ ആയിരുന്നു ഇമാന്റെ ശരീരഭാരം. സെയ്ഫിയിലെ ചികിത്സകള്‍ക്കൊടുവില്‍ ഇമാന്റെ ശരീരഭാരം പകുതിയായി കുറയ്ക്കാന്‍ സാധിച്ചുവെന്ന് ഡോക്ടര്‍മാര്‍ അറിയിച്ചു. യുഎഇയിലെ ചികിത്സകള്‍ക്കു ശേഷം ഇമാന്‍ ഭാരം സാധാരണക്കാരുടേതിന് തുല്യമാകുമെന്നും അധികൃതര്‍ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
