ന്യൂഡല്‍ഹി: പ്രളയ ദുരിതം കണക്കിലെടുത്ത് കേരളത്തിലെ മെഡിക്കല്‍ പ്രവേശനം പൂര്‍ത്തിയാക്കാനുള്ള സമയപരിധി സുപ്രീം കോടതി സെപ്റ്റംബര്‍ 10 വരെ നീട്ടി. മെഡിക്കല്‍ കൗണ്‍സലിങിന്‍റെയും വിദ്യാര്‍ഥികളുടെ പ്രവേശനത്തിനുമുള്ള അവസാന തീയതി നീട്ടണമെന്നാവശ്യപ്പെട്ട് സംസ്ഥാനം സുപ്രീം കോടതിയില്‍ ഹര്‍ജി നല്‍കിയിരുന്നു. ഈ ആവശ്യം പരിഗണിച്ചാണ് കോടതിയുടെ നടപടി. അവസാന തീയതി ഓഗസ്റ്റ് 31ല്‍ നിന്ന് സെപ്റ്റംബര്‍ 15 ലേക്കു നീട്ടണമെന്നായിരുന്നു കേരളത്തിന്‍റെ ആവശ്യം.
പ്രളയം മൂലം കൗണ്‍സലിങിനും പ്രവേശനത്തിനും അര്‍ഹരായ നിരവധി വിദ്യാര്‍ഥികള്‍ ദുരിതാശ്വാസ ക്യാമ്പുകളിലാണ് കഴിയുന്നത്. നേരത്തേ നിശ്ചയിച്ച സമയത്ത് ഇവര്‍ക്ക് നടപടികള്‍ക്കായി എത്താന്‍ സാധിക്കില്ലെന്നും അതുകൊണ്ട് തീയതി നീട്ടണമെന്നുമാണ് കേരളത്തിനായി വാദിച്ച അഭിഭാഷകൻ വ്യക്തമാക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
