ന്യൂഡല്ഹി: മധ്യപ്രദേശ് നിയമസഭ തെരഞ്ഞെടുപ്പില് മായാവതിയുടെ ബിഎസ്പി നിര്ണായകമാകുന്നു. സംസ്ഥാനം ഭരിക്കുന്ന ബിജെപിയും മുഖ്യപ്രതിപക്ഷമായ കോണ്ഗ്രസും ഇഞ്ചോടിച്ച് പോരാടുന്ന തെരഞ്ഞടുപ്പില് ആര്ക്കും കേവലഭൂരിപക്ഷം ലഭിച്ചില്ലെങ്കില് ബിഎസ്പിയുടെ പിന്തുണ നിര്ണായകമാകും.
നിലവില് 113 സീറ്റുകളില് ബിജെപി ലീഡ് ചെയ്യുകയാണ്. 107 സീറ്റുകളില് മുന്നിട്ടുനില്ക്കുന്ന കോണ്ഗ്രസ് വിട്ടുകൊടുക്കാന് തയ്യാറല്ല എന്ന സന്ദേശം നല്കി തൊട്ടുപിന്നിലുണ്ട്. അവസാനഘട്ടത്തില് കോണ്ഗ്രസുമായുളള സഖ്യ സാധ്യത തളളി ഒറ്റയ്ക്ക് മത്സരിച്ച ബിഎസ്പി നാലിടത്ത് ലീഡ് ചെയ്യുകയാണ്. മറ്റൊരു പ്രമുഖ പ്രാദേശിക പാര്ട്ടിയായ എസ്പി മൂന്നിടത്തും ലീഡ് ചെയ്യുന്നുണ്ട്. ആര്ക്കും ഭൂരിപക്ഷം ലഭിക്കാത്ത സാഹചര്യം വന്നാല് ഇവരുടെ പിന്തുണ തേടാന് കോണ്ഗ്രസും ബിജെപിയും നിര്ബന്ധിതരാകുമെന്നാണ് രാഷ്ട്രീയ നിരീക്ഷകര് നല്കുന്ന സൂചന. അങ്ങനെയെങ്കില് രാഷ്ട്രീയ ഭാവി തീരുമാനിക്കുന്നതില് മായാവതിയുടെ നിലപാട് നിര്ണായകമാകും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ