ന്യൂഡല്ഹി: നടി രാഖി സാവന്തിനെതിരെ അപകീര്ത്തിക്കേസുമായി ഗുര്മീത് റാം റഹീമീന്റെ വളര്ത്തുപുത്രി ഹണി പ്രീതിന്റെ അമ്മ ആശ തനേജ രംഗത്ത്. 5 കോടി നഷ്ടപരിഹാരം ആവശ്യപ്പെട്ടാണ് നിയമനടപടിയുമായി രംഗത്തെത്തിയത്. അല്ലെങ്കില് ഒരു മാസത്തിനകം നടി മകളോട് മാപ്പുപറയണമെന്നാണ് ആവശ്യം.
ഗുര്മീതുമായി അടുക്കുന്നതിന് വളര്ത്തുമകളായ ഹണിപ്രീതിന് ഉഷ്ടമായിരുന്നില്ലെന്നും ഗുര്മീതിനെ താന് വിവാഹം കഴിക്കുമോ എന്ന ഭയവും തന്റെ സ്ഥാനം നഷ്ടമാകുമോ എന്നതാകാം ആശങ്കയെന്നുമായിരുന്നു രാഖി സാവന്തിന്റെ വിവാദ പരാമര്ശം.
ഗുര്മീതിന്റെയും ഹണിപ്രീതിന്റെയും ജീവിതത്തെ ആധാരമാക്കി ഇറങ്ങുന്ന ചിത്രത്തിന്റെ പ്രചാരണാര്ത്ഥം എ ഡയലോഗ് വിത്ത് ജെസി ഷോയില് പങ്കെടുത്തുപ്പോഴായിരുന്നു രാഖിയുടെ വെളിപ്പെടുത്തല്.
ബലാത്സംഗക്കേസില് ആള്ദൈവം ഗുര്മീത് റാം റഹീം സിംഗ് കുറ്റക്കാരനാണെന്ന് പഞ്ച്കുല കോടതി കണ്ടെത്തിയതിന് പിന്നാലെ 20 വര്ഷത്തെ കഠിന തടവിന് ശിക്ഷിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ