ന്യൂഡല്‍ഹി: സുനന്ദ പുഷ്‌കര്‍ കേസില്‍ ശശി തരൂര്‍ എംപിക്കെതിരെ ശക്തമായ തെളിവുണ്ടെന്ന് ഡല്‍ഹി പൊലീസ്. വിചാരണ നടപടികള്‍ക്കായി കേസ് പരിഗണിക്കുന്ന ദില്ലി അഡീഷണല്‍ ചീഫ് മെട്രോ പൊളിറ്റന്‍ കോടതി മുന്‍പാകെയാണ് ദില്ലി പൊലീസ് ഇക്കാര്യം ബോധിപ്പിച്ചത്. തരൂരിനെ സമ്മന്‍സ് അയച്ച് വിളിച്ചുവരുത്തണമെന്നും ഡല്‍ഹി പൊലീസ് ആവശ്യപ്പെട്ടു. അതേസമയം കേസ് പരിഗണിക്കുന്നത് കോടതി ജൂണ്‍ അഞ്ചിലേക്ക് മാറ്റി.
ഈ മാസം 14നാണ് സുനന്ദ പുഷ്‌കര്‍ കേസില്‍ ദില്ലി പൊലീസ് ശശി തരൂരിനെതിരെയുളള കുറ്റപത്രം സമര്‍പ്പിച്ചത്. പത്തുവര്‍ഷം വരെ ശിക്ഷ ലഭിക്കാവുന്ന ആത്മഹത്യാ പ്രേരണകുറ്റവും മൂന്ന് വര്‍ഷം വരെ ശിക്ഷയ്ക്ക് വ്യവസ്ഥയുളള ഗാര്‍ഹിക പീഡനകുറ്റവുമാണ് തരൂരിനെതിരെ ചുമത്തിയിരിക്കുന്നത്.
സുനന്ദയുടെത് ആത്മഹത്യയാണെന്നും കുറ്റപത്രത്തില്‍ വ്യക്തമാക്കിയിട്ടുണ്ട്. ശശി തരൂരിനെ പ്രതിയാക്കി സമര്‍പ്പിച്ച കുറ്റപത്രം ദില്ലി പട്യാല ഹൗസ് കോടതി വിചാരണ നടപടികള്‍ക്കായി മെയ് 24ന് പരിഗണിച്ചപ്പോഴാണ് എംപിമാര്‍ക്കും എംഎല്‍എമാര്‍ക്കും എതിരായ കേസ് പരിഗണിക്കുന്ന അഡീഷണല്‍ ചീഫ് മെട്രോ പൊളിറ്റന്‍ കോടതിയിലേക്ക് മാറ്റിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
