എന്നും വിവാദപരമായ പരാമര്ശങ്ങള് നടത്തി വാര്ത്തകളില് ഇടം നേടുന്നയാളാണ് ഹരിയാന മന്ത്രി അനില് വിജ്. ഇത്തവണ കോണ്ഗ്രസ് പ്രസിഡന്റ് രാഹുല് ഗാന്ധിക്കെതിരെയാണ് ഹരിയാന മന്ത്രി രംഗത്തെത്തിയിരിക്കുന്നത്. മരണത്തിന് വരെ കാരണമാകുന്ന നിപ്പ വൈറസിനെ പോലെയാണ് രാഹുല് ഗാന്ധി എന്നായിരുന്നു അനില് വിജ്ന്റെ പരാമര്ശം.
'രാഹുല് ഗാന്ധി നിപ്പ വൈറസിനെ പോലെയാണ്. ഇദ്ദേഹത്തോട് ഏതെങ്കിലും രാഷ്ട്രീയപാര്ട്ടികള് അടുക്കാന് വന്നാല് അവ ഇല്ലാതാകും'- അനില് വിജ് ട്വീറ്റ് ചെയ്തു.
ഇതിന് മുന്പും വ്യത്യസ്ത പരാമര്ശങ്ങളുടെ പേരില് അനില് വിജ് വിവാദങ്ങളില് അകപ്പെട്ടിട്ടുണ്ട്. നോട്ടുകളില് ഗാന്ധിജിയുടെ ചിത്രം ആലേഖനം ചെയ്തതാണ് രൂപയുടെ മൂല്യം ഇടിയാന് കാരണമെന്ന അനില് വിജ്ന്റെ പ്രസ്താവന ദേശീയ തലത്തില് തന്നെ വലിയ വിമര്ശനം ക്ഷണിച്ചുവരുത്തിയിരുന്നു.
ഏറെ അപകടകാരിയായ നിപ്പ വൈറസിനോട് രാഹുല് ഗാന്ധിയെ ഉപമിച്ചത് ഏറെ വിമര്ശനങ്ങള്ക്ക് കാരണമായിട്ടുണ്ട്. ഇതുവരെ നിപ്പ വൈറസ് ബാധിച്ച് കേരളത്തില് 13 പേര്ക്കാണ് ജീവന് നഷ്ടപ്പെട്ടത്. കണ്ണൂരിലെ പേരാമ്പ്രയിലാണ് ആദ്യത്തെ നിപ്പ മരണം റിപ്പോര്ട്ട് ചെയ്തത്. ഉപയോഗിക്കാത്ത കിററില് താമസിക്കുന്ന വവ്വാലുകളില് നിന്നാണ് ഇത് പകര്ന്നതെന്നാണ് സംശയിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ