ചെന്നൈ: ഡിഎംകെ നേതാവ് എം.കരുണാനിധിയുടെ ഭൗതികശരീരം പൊതുദര്ശനത്തിനു വച്ച രാജാജി ഹാളിലേക്കു പ്രവര്ത്തകര് തള്ളിക്കയറി. ബാരിക്കേഡുകള് തകര്ത്ത് ഹാളിനകത്തേക്ക് പ്രവര്ത്തകര് തള്ളിക്കയറുകയായിരുന്നു. തുടര്ന്ന് പ്രവര്ത്തകരെ നിയന്ത്രിക്കുന്നതിനായി പൊലീസ് ലാത്തിവീശി.
കരുണാനിധിയുടെ സംസ്കാരം ഡിഎംകെ ആവശ്യപ്പെട്ടതു പ്രകാരം മെറീന ബീച്ചില് തന്നെ നടത്താന് മദ്രാസ് ഹൈക്കോടതി അനുമതി നല്കിയരുന്നു. ഇതിനു പിന്നാലെ രാജാജി ഹാളിലെ പൊലീസ് സംവിധാനത്തില് കുറവു വരുത്തി. ഇതോടെയാണ് പ്രവര്ത്തകര് ഹാളിലേക്കു തള്ളിക്കയറിയത്.
പ്രധാനമന്ത്രി നരേന്ദ്ര മോദി, പ്രതിരോധമന്ത്രി നിര്മല സീതാരാമന്, കേരള മുന് മുഖ്യമന്ത്രി ഉമ്മന് ചാണ്ടി, നടന്മാരായ രജനീകാന്ത്, ധനുഷ്, കമല്ഹാസന് തുടങ്ങി ഒട്ടേറെപ്പേരെത്തി അന്തിമോപചാരം അര്പ്പിച്ചു.
ഡിഎംകെയുടെ ഹര്ജി അംഗീകരിച്ച് ഇന്നു രാവിലെയാണ് കരുണാനിധിക്കു മെറീന ബീച്ചില് അന്ത്യവിശ്രമം ഒരുക്കാന് ഹൈക്കോടതി ഉത്തരവിട്ടത്. ഗാന്ധി സ്മാരകത്തിനു സമീപം സ്ഥലം നല്കാമെന്നായിരുന്നു സര്ക്കാരിന്റെ നിലപാട്. ഇതു തള്ളിയാണ് കോടതി ഡിഎംകെയുടെ ആവശ്യം അംഗീകരിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ