ബുലന്ദ്ഷാര്: ആള്ക്കൂട്ട ആക്രമണത്തില് നിന്ന് പൊലീസിനും രക്ഷയില്ല. ആള്ക്കൂട്ട കൊലപാതകങ്ങള്ക്കെതിരെ രാജ്യവ്യാപകമായി പ്രതിഷേധം ഉയരുകയാണ്. ഇതിനിടെയാണ് നിയമപാലകര്ക്കും ഇതില് നിന്ന് രക്ഷയില്ലെന്ന് വ്യക്തമാക്കുന്ന സംഭവം പുറത്തുവന്നത്.
ഉത്തര്പ്രദേശിലെ ബുലന്ദ്ഷറിലാണ് സംഭവം. പൊലീസ് ഉദ്യോഗസ്ഥന് സഞ്ചരിച്ചിരുന്ന കാര് രണ്ട് ബൈക്കില് ഇടിച്ചതാണ് പ്രകോപനത്തിന് കാരണം. അപകടത്തില് രണ്ടുപേര്ക്ക് പരിക്കേറ്റു. ഇതില് കുപിതരായി ഒരു സംഘം ആളുകള് പൊലീസ് ഉദ്യോഗസ്ഥനെ നിര്ദാക്ഷിണ്യം തല്ലുന്ന ദൃശ്യങ്ങളാണ് പുറത്തുവന്നത്.
മദ്യപിച്ചിരുന്ന പൊലീസുകാരന് ആക്രമണത്തില് നിന്ന് രക്ഷ നേടാന് ദയയ്ക്കായി യാചിക്കുന്നതും ദൃശ്യങ്ങളില് കാണാം. എന്നാല് ഇതൊന്നും കണക്കിലെടുക്കാതെ പൊലീസുകാരന്റെ വസ്ത്രം വലിച്ചുകീറി. തുടര്ന്ന് നിലത്തിട്ട് ഉദ്യോഗസ്ഥന്റെ തന്നെ ബെല്റ്റ് ഊരി സംഘം ചേര്ന്ന് തല്ലി. ഇതിന് പിന്നാലെ സംഘം അസഭ്യം ചൊരിയുന്നതും ദൃശ്യങ്ങളില് കാണാം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ