ഗുരുഗ്രാം: സെല്ലോടേപ്പ് ഉപയോഗിച്ച് വിദ്യാര്ത്ഥികളുടെ വായ ഒട്ടിച്ച സ്വകാര്യ സ്കൂൾ അധ്യാപികയെ സസ്പെന്റ് ചെയ്തു. ക്ലാസില് മോശം വാക്കുകള് ഉപയോഗിച്ചതിനാണ് അധ്യാപികയുടെ ഈ പ്രവർത്തി. നാല് വയസുള്ള ഒരു പെണ്കുട്ടിയെയും ആണ്കുട്ടിയെയുമാണ് അധ്യാപിക സെല്ലോടേപ്പ് ഉപയോഗിച്ച് വായ ഒട്ടിച്ച് ക്ലാസിലിരുത്തിയത്.
കുട്ടികളുടെ മാതാപിതാക്കളുടെ പരാതിയെത്തുടർന്നാണ് അധ്യാപികയ്ക്കെതിരെ നടപടി സ്വീകരിച്ചത്. വായ ഒട്ടിച്ച നിലയിൽ കുട്ടികൾ ക്ലാസിൽ ഇരിക്കുന്നതിന്റെ വീഡിയോ സമൂഹമാധ്യമങ്ങളിൽ വൈറലായിരുന്നു. ഇതേ തുടർന്നാണ് കുട്ടികളുടെ മാതാപിതാക്കൾ പരാതിയുമായി സ്കൂൾ അധികൃതരെ സമീപിച്ചത്. ഹരിയാനയിലെ ഗുരുഗ്രാമിലാണ് സംഭവം. പ്രൈമറി സ്കൂള് അധ്യാപികയ്ക്ക് നേരെയാണ് നടപടി സ്വീകരിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ