ന്യൂഡല്ഹി: രാജസ്ഥാന് നിയമസഭ തെരഞ്ഞെടുപ്പില് കോണ്ഗ്രസിന് മുന്തൂക്കം. 199 സീറ്റുകളിലേക്ക് നടന്ന തെരഞ്ഞെടുപ്പില് 80 ഇടത്ത് കോണ്ഗ്രസ് ലീഡ് ഉയര്ത്തി. സംസ്ഥാനം ഭരിക്കുന്ന ബിജപി 60 ഇടത്ത് മാത്രമാണ് മുന്നിട്ടുനില്ക്കുന്നത്. 101 സീറ്റുകള് നേടിയാല് കേവല ഭൂരിപക്ഷം നേടാം. രാജസ്ഥാനില് സര്ക്കാര് രൂപീകരിക്കുന്നതിനുളള നീക്കങ്ങള്ക്ക് കോണ്ഗ്രസ് തുടക്കമിട്ടതായാണ് റിപ്പോര്ട്ടുകള്. ഇതിന്റെ ഭാഗമായി എഐസിസി ജനറല് സെക്രട്ടറി കെ സി വേണുഗോപാലിനെ ജയ്പൂരിലേക്ക് നേതൃത്വം അയച്ചു.
രാജസ്ഥാനില് മുഖ്യമന്ത്രി വസുന്ധര രാജെ സിന്ധ്യ, കോണ്ഗ്രസിലെ സച്ചിന് പൈലറ്റ്, അശോക് ഗെഹലോട്ട് എന്നിവരാണ് ജനവിധി തേടുന്ന പ്രമുഖര്. വസുന്ധരാരാജെ (ജല്റാപതന്), സച്ചിന് പൈലറ്റ് ( ടോങ്ക്), അശോക് ഗെലോട്ട്( നാഥ് വാഡ), സി പി ജോഷി( സത്പുര), യശോദരാ രാജെ സിന്ധ്യ( ശിവ്പുരി) എന്നിവര് മുന്നില് നില്ക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ