ട്രെയിനിന് വേണ്ടി പ്ലാറ്റ്‌ഫോമില്‍ കാത്തിരിക്കുമ്പോഴായിരുന്ന യുവതിക്ക് പ്രസവ വേദന അനുഭവപ്പെട്ടത്. അതോടെ തിരക്ക് നിറഞ്ഞ മുംബൈയിലെ ദാദര്‍ റെയില്‍വേ സ്‌റ്റേഷന്‍ ലേബര്‍ റൂമായി. ബെഡ് ഷീറ്റുകളും മറ്റുമായി പൊലീസുകാരും റെയില്‍വേ അധികൃതരും മറ്റ് യാത്രക്കാരും ചേര്‍ന്ന് താത്കാലി ലേബര്‍ റൂം പ്ലാറ്റ്‌ഫോമില്‍ തന്നെ തയ്യാറാക്കി.
ഈ സംഭവത്തിന്റെ വീഡിയോയാണ് ഇപ്പോള്‍ ഇന്റര്‍നെറ്റില്‍ വൈറലാവുന്നത്. ഗീത വാഗര്‍ എന്ന ഇരുപത്തിരണ്ടുകാരിയാണ് റെയില്‍വേ സ്റ്റേഷനില്‍ കുഞ്ഞിന് ജന്മം നല്‍കിയത്. യുവതി ഉള്‍പ്പെടെ ഭര്‍ത്താവും രണ്ട് കുട്ടികളും ഉള്‍പ്പെടുന്ന നാലംഗ കുടുംബം പ്ലാറ്റ്‌ഫോമിലിരിക്കുന്നത് വീഡിയോയില്‍ കാണാം.
വേദന അസഹനീയമായതോടെ പ്ലാറ്റ്‌ഫോമില്‍ യുവതി കിടക്കുകയും, ബെഡ്ഷീറ്റുകള്‍ കൊണ്ട് മറച്ച് പൊലീസുകാരും സഹയാത്രികരും നില്‍ക്കുകയുമായിരുന്നു. റെയില്‍വേയുടെ മെഡിക്കല്‍ ടീമിന്റെ പരിചരണത്തില്‍ യുവതി കുഞ്ഞിന് ജന്മം നല്‍കി. ശേഷം അമ്മയേയും കുഞ്ഞിനേയും ആശുപത്രിയിലേക്ക് മാറ്റി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
