തിരുവനന്തപുരം: ദേശീയതലത്തില് ബിജെപിയെ പ്രതിരോധിക്കാന് കോണ്ഗ്രസില്ലാതെ നടക്കില്ലെന്ന് ആര്എസ്പി ജനറല് സെക്രട്ടറി പ്രൊഫ. ടിജെ ചന്ദ്രചൂഡന്. കോണ്ഗ്രസ് അല്ലാതെ കൊള്ളാവുന്ന വേറൊരു പാര്ട്ടി ദേശീയതലത്തില് ഇപ്പോഴില്ലെന്ന് ചന്ദ്രചൂഡന് പറഞ്ഞു. കേരള കൗമുദിയുമായുള്ള അഭിമുഖത്തിലാണ് ചന്ദ്രചൂഡന്റെ പരാമര്ശങ്ങള്.
ദേശീയതലത്തില് ബിജെപി പ്രതിരോധിക്കാന് കോണ്ഗ്രസുമായി ബന്ധം വേണ്ടന്നു പറയുന്നവര് വേറെന്താണ് ചോയ്സ് എന്നു പറയണം. ഇവിടെ വേറെ ചോയ്സ് ഇല്ലാത്ത അവസ്ഥയാണ്. ഉണ്ടായിരുന്ന മറ്റു പാര്ട്ടകള് അപ്പന്റെയും മകന്റെയും മരുമകന്റെയും പാര്ട്ടികളായി ശിഥിലമായി.
ഇന്ത്യയിലെ ഇടതുപക്ഷം ദുര്ബലമാണ്. എത്ര ദുര്ബലമായാലും കൂട്ടായി നിന്നാല് ശബ്ദമുണ്ട്. ആ കൂട്ടായ്മ സിപിഎം ഇല്ലായ്മ ചെയ്യുകയാണ്. പുതിയ പാര്ട്ടികള് മുന്നണിയിലേക്കു വരുന്നതിനെ സ്വാഗതം ചെയ്യുന്നു എന്നാണ് ഇവിടത്തെ സിപിഎം നേതാക്കള് പറയുന്നത്. അപ്പോള് അവരുടെ കൂടെ ഉണ്ടായിരുന്ന പാര്ട്ടികള് എവിടെയെന്ന് ചന്ദ്രചൂഡന് ചോദിച്ചു.
ഇടതുപക്ഷം ദുര്ബലമായത് സ്വയം കൃതാനര്ഥമാണ്. ഇടതുപക്ഷം എങ്ങനെയായിരിക്കണമെന്ന് ഇടതുപക്ഷത്തെ നയിക്കുന്ന പാര്ട്ടിക്ക് വ്യക്തമായ ധാരണ ഇപ്പോഴുമില്ല. അത് അവര്ക്കു പറ്റിപ്പോയ പാളിച്ചയാണ്. വ്യക്തമായ ദിശാബോധം ഇപ്പോഴുമില്ലെന്ന് ചന്ദ്രചൂഡന് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ