ന്യൂഡല്‍ഹി: സുപ്രീം കോടതി ചീഫ് ജസ്റ്റിസ് രഞ്ജന്‍ ഗൊഗോയ്‌ക്കെതിരെ പരാതി നല്‍കിയ സംഭവത്തില്‍ ആശങ്കയുണ്ടെന്ന് പരാതിക്കാരി. കോടതി പരാമര്‍ശങ്ങള്‍ അപകീര്‍ത്തിപ്പെടുത്തുന്നതാണെന്നും പരാതിക്കാരി പറഞ്ഞു. തന്നെ കേള്‍ക്കാതെയാണു കോടതിയുടെ പരാമര്‍ശങ്ങള്‍. ഇതു ചൂണ്ടിക്കാണിച്ച് സുപ്രീം കോടതി മുന്‍ ജീവനക്കാരി കൂടിയായ പരാതിക്കാരി ആഭ്യന്തര അന്വേഷണ സമിതിക്കു കത്തയച്ചു.
പരാതി ഉയര്‍ന്നതിന്റെ വേര് അന്വേഷിക്കണമെന്നു സുപ്രീം കോടതി ബുധനാഴ്ച പറഞ്ഞിരുന്നു. ചീഫ് ജസ്റ്റിസിനെതിരെ ഗൂഢാലോചന നടന്നുവെന്ന അഭിഭാഷകന്റെ വെളിപ്പെടുത്തല്‍ അതീവ ഗൗരവമുളളതെന്നും കോടതിക്കു കണ്ണുംപൂട്ടി ഇരിക്കാനാവില്ലെന്നും ജസ്റ്റിസ് അരുണ്‍ മിശ്ര വ്യക്തമാക്കിയിട്ടുണ്ട്.
അതേസമയം, മുന്‍ ജീവനക്കാരിയുടെ പീഡന പരാതി പരിഗണിക്കപ്പെടാതെ പോകരുതെന്നു മുതിര്‍ന്ന അഭിഭാഷക ഇന്ദിര ജയ്‌സിങ് ആവശ്യപ്പെട്ടു. ലൈംഗിക ആരോപണം ഉന്നയിച്ച മുന്‍ ജീവനക്കാരിക്ക് സുപ്രീംകോടതി ആഭ്യന്തര അന്വേഷണസമിതി നോട്ടിസ് അയച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
