ന്യൂഡൽഹി: ഡൽഹി വിമാനത്താവളത്തിൽ അറ്റകുറ്റ പണിക്കിടെ എയർ ഇന്ത്യ വിമാനത്തിന് തീപിടിച്ചു. ഡൽഹിയിൽ നിന്നും സാൻഫ്രാൻസിസ്കോയിലേക്ക് പോകാനുള്ള ബോയിങ് 777 വിമാനത്തിലാണ് തീപിടുത്തമുണ്ടായത്. ബുധനാഴ്ച രാത്രിയിലായിരുന്നു അപകടം സംഭവിച്ചത്.
ഓക്സിലറി പവർ യൂണിറ്റിൽ വെച്ച് വിമാനത്തിൽ അറ്റകുറ്റപ്പണി നടക്കുന്നതിനിടെ തീപിടിത്തമുണ്ടാവുകയായിരുന്നു. സംഭവ സമയത്ത് വിമാനത്തിനുള്ളിൽ മറ്റാരും ഉണ്ടായിരുന്നില്ല. എയര് കണ്ടീഷന്റെ പണി നടക്കുന്നതിനിടയിലാണ് തീപിടിത്തം ഉണ്ടായത്. തീപടർന്ന ഉടൻ അണയ്ക്കാൻ സാധിച്ചതിനാൽ വൻ അപകടം ഒഴിവായതായും അധികൃതർ അറിയിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ