ന്യൂഡല്ഹി: അടുത്ത വര്ഷം നടക്കാന് പോകുന്ന ഡല്ഹി നിയമസഭ തെരഞ്ഞെടുപ്പില് എഎപി 70 സീറ്റും നേടുമെന്ന് മുഖ്യമന്ത്രി അരവിന്ദ് കെജരിവാള്. ജന്മദിനത്തില് പാര്ട്ടി പ്രവര്ത്തകരെ അഭിസംബോധന ചെയ്തു സംസാരിക്കുകയായിരുന്നു അദ്ദേഹം.
'പാര്ട്ടിക്കുവേണ്ടി പങ്കുവഹിച്ച പ്രവര്ത്തകര്ക്ക് ഞാന് നന്ദിയറിക്കുകയാണ്. കഴിഞ്ഞ നിയമസഭ തെരഞ്ഞെടുപ്പില് നമ്മള് 67 സീറ്റ് നേടി. പക്ഷേ അടുത്ത തെരഞ്ഞെടുപ്പില് 70 സീറ്റും നേടും'-അദ്ദേഹം പറഞ്ഞു.
അരവിന്ദ് കെജരിവാളിന് പ്രധാനമന്ത്രി നരേന്ദ്ര മോദിയും ജന്മദിനാശംസകള് നേര്ന്നു. അദ്ദേഹത്തിന്റെ ആരോഗ്യത്തിനും ദീര്ഘായുസ്സിനും വേണ്ടി പ്രാര്ത്ഥിക്കുന്നുവെന്ന് മോദി ട്വീറ്റ് ചെയ്തു.
ഡല്ഹി പ്രതിപക്ഷ നേതാവ് വിജേന്ദര് ഗുപ്ത, ബംഗാള് മുഖ്യമന്ത്രി മമത ബാനര്ജി, ബിജെപി എംപി രാജീവ് ചന്ദ്രശേഖര് എന്നിവരും അദ്ദേഹത്തിന്റെ ജന്മദിനാശംസകള് നേര്ന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ