ന്യൂഡല്ഹി: കേന്ദ്ര ആഭ്യന്തര മന്ത്രി അമിത് ഷായുടെ വിമാനം പറത്താന് ആള്മാറാട്ടം നടത്തി വൈമാനികന്. സംഭവവുമായി ബന്ധപ്പെട്ട് വിങ് കമാന്ഡര് ജെഎസ് സങ്വാനെതിരെ പൊലീസ് കേസെടുത്തു.
മതിയായ യോഗ്യതകള് ഇല്ലാതെയാണ് സങ്വാന് വിമാനം പറത്തിയത്. ഇതിനായി വ്യാജ രേഖകളുണ്ടാക്കി ഷായുടെ വിമാനം പറത്താന് അനുമതി നേടുകയായിരുന്നു. എന്നാല് ഇതിന് പിന്നാലെ തട്ടിപ്പ് പുറത്തുവരികയായിരുന്നു.
ബിഎസ്എഫ് പൈലറ്റായിരുന്ന സങ്വാന് മുതിര്ന്ന ഉദ്യോഗസ്ഥരുടെ പേരില് വ്യാജ ഇമെയില് അക്കൗണ്ട് ഉണ്ടാക്കി ആള്മാറാട്ടത്തിലൂടെ അമിത് ഷായുടെ വിമാനം പറത്താന് അനുമതി നേടിയെടുത്തെന്നാണ് പരാതി. കാര്ഗില് യുദ്ധത്തിലടക്കം പങ്കെടുത്തിട്ടുള്ള പൈലറ്റാണ് ഇദ്ദേഹം.
വിഐപി വിമാനം പറത്തുന്നതിനുള്ള മതിയായ യോഗ്യത അദ്ദേഹത്തിനില്ലെന്ന് പ്രാഥമിക അന്വേഷണത്തില് വ്യക്തമായതായും റിപ്പോര്ട്ടുകളുണ്ട്. കേന്ദ്ര ആഭ്യന്തര മന്ത്രിയുടെ വിമാനം പറത്താന് 1000 മണിക്കൂര് എങ്കിലും പറക്കല് പരിചയം വേണമെന്നാണ് മാനദണ്ഡം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ