ന്യൂഡല്‍ഹി: അന്താരാഷ്ട്ര യോഗാദിനത്തിന് മുന്നോടിയായി യോഗയിലെ താടാസനമുറയുടെ അനിമേഷന്‍ വിഡിയോ പങ്കുവച്ചിരിക്കുകയാണ് പ്രധാനമന്ത്രി നരേന്ദ്ര മോദി. ജൂണ്‍ 21ന് ആചരിക്കുന്ന അന്താരാഷ്ട്ര യോഗാ ദിനത്തിന് മുന്നോടിയായാണ് വിഡിയോ പങ്കുവച്ചിരിക്കുന്നത്. താടാസന ചെയ്യേണ്ട രീതി കൃത്യമായി വിവരിച്ചുകൊണ്ടുള്ളതാണ് വിഡിയോ.
താടാസന ശരിയായി പരിശീലിച്ചാല്‍ യോഗയിലെ മറ്റ് ആസനകളും കൃത്യമായി ചെയ്യാനാകുമെന്ന് കുറിച്ചുകൊണ്ടാണ് വിഡിയോ പങ്കുവച്ചിരിക്കുന്നത്. യോഗമുറ ചെയ്യുന്നതിന്റെ ത്രീഡി ആനിമേഷന്‍ വിഡിയോയാണ് ഇത്. കാലുകള്‍ വയ്‌ക്കേണ്ടതെങ്ങനെയെന്നും ശ്വാസോച്ഛ്വാസം നിയന്ത്രിക്കേണ്ടതെങ്ങനെയെന്നുമെല്ലാം വിഡിയോയില്‍ കൃത്യമായി വിവരിക്കുന്നുണ്ട്.
നിന്നുകൊണ്ടുള്ള എല്ലാ യോഗ ആസനകളുടെയും അടിസ്ഥാനമാണ് താടാസന. സൂര്യനമസ്‌കാരം ചെയ്യുന്നതിന്റെ തുടക്കത്തിലും അവസാനഭാഗത്തിലുമാണ് ഇത് ചെയ്യുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
