ന്യൂഡല്ഹി: സിബിഎസ്ഇ പന്ത്രണ്ടാം ക്ലാസ് പരീക്ഷാഫലം പ്രസിദ്ധീകരിച്ചു. 83.4 ശതമാനം പേർ ഉപരിപഠനത്തിന് അര്ഹത നേടി. 500ല് 499മാര്ക്ക് നേടിയ ഹന്സിക ശുക്ലയും കരിഷ്മ അറോറയുമാണ് ഒന്നാം സ്ഥാനത്ത്.
പരീക്ഷയെഴുതിയവരിൽ 88.7ശതമാനം പെൺക്കുട്ടികളും 79.4ശതമാനം ആൺക്കുട്ടികളും 83.3ശതമാനം ട്രാൻസ്ജെൻഡർ വിദ്യാർത്ഥികളും വിജയം നേടി. വിജയശതമാനത്തില് തിരുവനന്തപുരമാണ് ഒന്നാമത്. ചെന്നൈ രണ്ടാമതും ഡല്ഹി മൂന്നാം സ്ഥാനത്തുമാണ്. 98.2ആണ് തിരുവനന്തപുരത്തിന്റെ വിജയശതമാനം. ചെന്നൈയില് 92.93ഉം ഡല്ഹിയില് 91.87ഉം ആണ് വിജയശതമാനം.
സിബിഎസ്ഇയുടെ ഔദ്യോഗിക വെബ്സൈറ്റുകളില് നിന്നും പരീക്ഷാ ഫലമറിയാം. www.cbseresults.nic.in, www.cbse.nic.in ,www.results.nic.in എന്നീ സൈറ്റുകളില് ഫലം ലഭ്യമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ