ന്യൂഡല്ഹി: മുന് പ്രധാനമന്ത്രി ഇന്ദിരാഗാന്ധിയുടെ 102മത് ജന്മദിനത്തില് ശ്രദ്ധാഞ്ജലിയര്പ്പിച്ച് പേരക്കുട്ടിയും എഐസിസി ജനറല് സെക്രട്ടറിയുമായ പ്രിയങ്ക ഗാന്ധിയുടെ കവിത. കുട്ടിക്കാലത്തെ ഇന്ദിരയ്ക്കൊപ്പമുള്ള തന്റ മനോഹരമായ ചിത്രം പങ്കുവെച്ചാണ് പ്രിയങ്ക ഓര്മ്മ പുതുക്കിയിരിക്കുന്നത്.
ഇംഗ്ലീഷ് സാഹിത്യകാരനായിരുന്ന വില്യം ഏണസ്റ്റ് ഹെന്ലിയുടെ കഷ്ടകാലത്തെ അതിജീവിക്കുന്നതിനെക്കുറിച്ചും മനുഷ്യത്വത്തെക്കുറിച്ചും പറയുന്ന കവിതയാണ് പ്രിയങ്ക ട്വിറ്ററില് പങ്കുവെച്ചിരിക്കുന്നത്. തനിക്കറിയാവുന്നതില് ഏറ്റവും കരുത്തയായ സ്ത്രീയെന്നാണ് ഇന്ദിരയെ പ്രിയങ്ക വിശേഷിപ്പിച്ചിരിക്കുന്നത്.
രാഹുല് ഗാന്ധിയും സോണിയ ഗാന്ധിയും ഇന്ദിരയെക്കുറിച്ചുള്ള ഓര്മ്മകള് പങ്കുവെച്ചിട്ടുണ്ട്. ഇന്ത്യയെ കരുത്തുറ്റ രാഷ്ട്രമാക്കുന്നതില് നിര്ണായക സ്ഥാനം വഹിച്ച ഉരുക്കുവനിതയ്ക്ക് ശ്രദ്ധാഞ്ജലി എന്നായിരുന്നു രാഹുല് ഗാന്ധി കുറിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ