പട്ന: ഔദ്യോഗിക വാഹനത്തില് സണ് ഫിലിം ഒട്ടിച്ച എംഎല്എ പൊലീസിന്റെ പരിശോധനയില് കുടുങ്ങി. നിയമ ലംഘനം ശ്രദ്ധയില്പ്പെട്ട പൊലീസ് എംഎല്എയില് നിന്ന് പിഴയും ഈടാക്കി. ബിഹാറിലെ ബിജെപി എംഎല്എയായ പ്രദീപ് സിങാണ് പട്ന പൊലീസിന്റെ വാഹന പരിശോധനയില് കുടുങ്ങിയത്. സംഭവത്തിന്റെ വീഡിയോ ദൃശ്യങ്ങള് സോഷ്യല് മീഡിയയില് വൈറലായി.
പതിവ് വാഹന പരിശോധനയ്ക്കിടെ എംഎല്എയുടെ ഔദ്യോഗിക വാഹനമായ ടൊയോട്ട ഫോര്ച്യൂണര് പരിശോധിച്ചപ്പോഴാണ് വാഹനത്തിന്റെ ഗ്ലാസുകളില് കൂളിങ് ഫിലിം കണ്ടെത്തിയത്.
തുടര്ന്ന് ഇത് എംഎല്എയുടെ ഔദ്യോഗിക വാഹനമാണെന്ന് അദ്ദേഹത്തിനൊപ്പമുണ്ടായിരുന്നയാള് പൊലീസിനോട് പറഞ്ഞു. പക്ഷേ ഉദ്യോഗസ്ഥര് അത് മുഖവിലയ്ക്കെടുക്കാതെ പിഴയെഴുതി നല്കി. 500 രൂപയാണ് പിഴയിട്ടത്.
അതേസമയം എംഎല്എയുടെ വാഹനത്തില് നിയമം ലംഘിച്ച് ബീക്കണ് ലൈറ്റുകളും സൈറണുകളുമുള്പ്പെടെ നിരവധി ഫിറ്റിങ്ങുകളും കാണാം. പിഴയെഴുതി നല്കിയതിനൊപ്പം വാഹനത്തിലെ കോ ഡ്രൈവര് സീറ്റിലിരിന്ന സീറ്റ് ബെല്റ്റിട്ടയാളെ അഭിനന്ദിച്ച പൊലീസ് മറ്റ് നിയമ ലംഘനങ്ങള്ക്കെതിരെ നടപടിയെടുക്കാത്തതും ശ്രദ്ധേയമാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ