ഭോപ്പാല്‍: ലോക്‌സഭ തെരഞ്ഞെടുപ്പിലേക്കുള്ള കോണ്‍ഗ്രസിന്റെ മധ്യപ്രദേശിലെ രണ്ടാംഘട്ട സ്ഥാനാര്‍ത്ഥി ലിസ്റ്റ് പുറത്തുവിട്ടു. മുഖ്യമന്ത്രി കമല്‍നാഥിന്റെ മണ്ഡലമായിരുന്ന ചിന്ദ്‌വാരയില്‍ നിന്ന് മകന് നകുല്‍ നാഥ് ജനവിധി തേടും. പന്ത്രണ്ട് പേരുടെ ലിസ്റ്റാണ് പുറത്തുവിട്ടിരിക്കുന്നത്. നേരത്തെ മുതിര്‍ന്ന നേതാവ് ദിഗ്‌വിജയ് സിങ് ഉള്‍പ്പെടെയുള്ള ഒമ്പത് സ്ഥാനാര്‍ത്ഥികളുടെ ലിസ്റ്റ് കോണ്‍ഗ്രസ് പുറത്തുവിട്ടിരുന്നു.
1980മുതല്‍ 2014വരെ തുടര്‍ച്ചയായി കമല്‍നാഥ് വിജയിച്ചുവരുന്ന മണ്ഡലമാണ് ചിന്ദ്‌വാര. 19997ല്‍ നടന്ന ഉപതെരഞ്ഞെടുപ്പില്‍ മാത്രമാണ് കമല്‍നാഥിന് കാലിടറിയത്. 1998ല്‍ അദ്ദേഹം മണ്ഡലം തിരിച്ചുപിടിച്ചു. ഇത്തവണ മുഖ്യമന്ത്രിയായ സാഹചര്യത്തിലാണ് മകനെ രംഗത്തിറക്കാന്‍ കമല്‍നാഥ് തീരുമാനിച്ചിരിക്കുന്നത്.
മോദി തരംഗം ആഞ്ഞടിച്ച 2014ല്‍ മധ്യപ്രദേശിലെ 29ല്‍ 27 സീറ്റും ബിജെപി നേടിയപ്പോഴും ചിന്ദ്‌വാര കോണ്‍ഗ്രസിനൊപ്പം നിന്നിരുന്നു. ജ്യോതിരാദിത്യ സിന്ധ്യയുടെ ഗുണയാണ് മറ്റൊന്ന്.
നകുല്‍ നാഥിനൊപ്പം മധ്യപ്രദേശ് പിസിസി അധ്യക്ഷന്‍ അരുണ്‍ യാദവും പ്രമുഖ നേതാവ് വിവേക് തന്‍ഖയ്ക്കും കോണ്‍ഗ്രസ് സീറ്റ് നല്‍കിയിട്ടുണ്ട്. കോണ്‍ഗ്രസ്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
