റായ്പൂര്: വാട്സ്ആപ്പ് ഗ്രൂപ്പില് അശ്ലീല വീഡിയോ പോസ്റ്റ് ചെയ്ത സംഭവത്തില് ഛത്തീസ്ഗഡില് കോണ്ഗ്രസ് നേതാവിനെ അറസ്റ്റ് ചെയ്തു. ബിലാസ്പുര് ജില്ല കോണ്ഗ്രസ് കമ്മിറ്റി ജോയിന്റ് സെക്രട്ടറിയായ പവന് ദൂബിയാണ് അറസ്റ്റിലായത്.
'ആര്ട്ടിക്കിള് 370 എടുത്തുകളഞ്ഞ ശേഷം കാശ്മീരില് നിന്നുള്ള ഫസ്റ്റ് ട്രന്റ്', എന്ന കുറിപ്പോടെയാണ് വീഡിയോ പോസ്റ്റ് ചെയ്തത്.
ഗ്രൂപ്പിലുണ്ടായിരുന്ന നിരവധി സ്ത്രീകള് ഇതിനെതിരെ പൊലീസിനെ സമീപിച്ചു. വ്യാഴാഴ്ച വൈകുന്നേരമാണ് പവനെ പൊലീസ് അറസ്റ്റ് ചെയ്തത്.
ഇന്ത്യന് ശിക്ഷാ നിയമത്തിലെ 292 വകുപ്പ് പ്രകാരമാണ് അറസ്റ്റ് ചെയ്തത്. ഐടി ആക്ടിലെ വകുപ്പുകളും ഇദ്ദേഹത്തിനെതിരെ ചുമത്തിയിട്ടുണ്ട്. വെള്ളിയാഴ്ച കോടതിയില് ഹാജരാക്കിയ പ്രതിയെ റിമാന്റ് ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ