ന്യൂഡൽഹി: സ്ത്രീകളെ ബഹുമാനിക്കാൻ വീട്ടിൽ നിന്നു തന്നെ തുടങ്ങണമെന്ന് ആർഎസ്എസ് മേധാവി മോഹൻ ഭാഗവത്. ‘‘സ്ത്രീകളെ അപമാനിക്കുന്ന പുരുഷൻമാർക്കും അമ്മയും സഹോദരിമാരും ഉണ്ടാകും. സ്ത്രികളെ ബഹുമാനിക്കാൻ വീട്ടിൽ നിന്നു തന്നെ തുടങ്ങണം’’ മോഹൻ ഭാഗവത് പറഞ്ഞു.രാജ്യത്ത് സ്ത്രീകൾക്കെതിരെയുള്ള അതിക്രമങ്ങൾ വർധിക്കുന്ന സാഹചര്യത്തിലാണ് മോഹൻഭഗവതിന്റെ പ്രതികരണമെന്നതും ശ്രദ്ധേയമാണ്.
ഉർവശി മുന്നിൽവന്നു നിന്നപ്പോഴും അർജ്ജുനൻ ധർമ്മ പാതയിൽ നിന്ന് വ്യതിചലിച്ചില്ല. അർജ്ജുനൻ അവരെ മാതാവിനെ പോലെയാണ് പരിഗണിച്ചത്. സമൂഹത്തിൽ സ്ത്രീകളെ ബഹുമാനിക്കുന്ന കാര്യമാണ് നാം അടിയന്തരമായി ചെയ്യേണ്ടത്. അദ്ദേഹം കൂട്ടിച്ചേർത്തു. ഡൽഹിയിൽ സ്വാമി ഗ്യാനാനന്ദ് സംഘടിപ്പിച്ച ഗീത മഹോത്സവ പരിപാടിയിൽ സംസാരിക്കുകയായിരുന്നു അദ്ദേഹം.
ആത്മീയതയുടെ അറിവിന്റെ സംഗ്രഹമാണ് ഭഗവത്ഗീതയെന്നും കൃഷ്ണൻ അർജ്ജുനന് പറഞ്ഞുകൊടുക്കുന്ന തരത്തിൽ ഉപനിഷത്തുകളുടെ രത്നച്ചുരുക്കമാണതെന്നും അദ്ദേഹം വ്യക്തമാക്കി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ