ന്യൂഡൽഹി: പ്രധാനമന്ത്രി നരേന്ദ്ര മോദിയുമായി അഭിമുഖം നടത്തിയ വാർത്താ ഏജൻസി (എഎൻഐ) എഡിറ്റർ സ്മിത പ്രകാശിനെ വിമർശിച്ച കോൺഗ്രസ് അധ്യക്ഷൻ രാഹുൽ ഗാന്ധിക്കെതിരെ എഡിറ്റേഴ്സ് ഗിൽഡ്. മാധ്യമ പ്രവർത്തകക്കെതിരായ രാഹുലിന്റെ പരാമർശം ആശങ്കയുളവാക്കുന്നതാണെന്ന് എഡിറ്റേഴ്സ് ഗിൽഡ് പ്രതികരിച്ചു.
മാധ്യമ സ്വാതന്ത്ര്യത്തിന് നേരെയുള്ള രാഷ്ട്രീയ കക്ഷികളുടെ കടന്നുകയറ്റങ്ങൾ അനുവദിക്കില്ല. ഇത്തരം നീക്കങ്ങളെ മാധ്യമ പ്രവർത്തകർ ഒറ്റക്കെട്ടായി പ്രതിരോധിക്കുമെന്നും ഗിൽഡ് ചൂണ്ടിക്കാട്ടി.
നേരത്തെ മാധ്യമ പ്രവർത്തകയെ വിമർശിച്ച രാഹുലിനെതിരെ ബിജെപിയും രംഗത്തെത്തിയിരുന്നു. അടിയന്തരാവസ്ഥ പ്രഖ്യാപിച്ച ഏകാധിപതിയുടെ കൊച്ചുമകൻ മാധ്യമ പ്രവർത്തകയെ അധിക്ഷേപിക്കുകയാണെന്ന് കേന്ദ്രമന്ത്രി അരുൺ ജെയ്റ്റ്ലി കുറ്റപ്പെടുത്തി. മാധ്യമ പ്രവർത്തകയെ രാഹുൽ അന്യായമായി അധിക്ഷേപിച്ചതായി ബിജെപി എംപി അനുരാഗ് ഠാക്കൂർ ലോക്സഭയിൽ ആരോപിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ