ജയ്പുര്: രാജസ്ഥാനിലെ രാംഗഢ് ഉപതെരഞ്ഞെടുപ്പില് കോണ്ഗ്രസിനു ജയം. 12,228 വോട്ടിനാണ് കോണ്ഗ്രസ് സ്ഥാനാര്ഥി ഷാഫിയ സുബൈര് ബിജെപി സ്ഥാനാര്ഥിയെ പരാജയപ്പെടുത്തിയത്. ഇതോടെ നിയമസഭയില് കോണ്ഗ്രസിന് കേവല ഭൂരിപക്ഷമായി.
രാംഗഢിലെ വിജയത്തോടെ ഇരുന്നൂറ് അംഗങ്ങളുള്ള രാജസ്ഥാന് നിയമസഭയില് കോണ്ഗ്രസിന് 100 സീറ്റായി. ഇതോടെ സ്വതന്ത്രരെ കാര്യമായി ആശ്രയിക്കാതെ തന്നെ ഭരണം നിലനിര്ത്താന് കോണ്ഗ്രസിനാവും.
വാശിയേറിയ ഉപതെരഞ്ഞെടുപ്പില് വോട്ടെണ്ണലിന്റെ തുടക്കം മുതല് കോണ്ഗ്രസ് സ്ഥാനാര്ഥി വ്യക്തമായ ലീഡ് നില പുലര്ത്തിയിരുന്നു. 83,311 വോട്ടാണ് ഷാഫിയ സുബൈറിനു ലഭിച്ചത്. തൊട്ടടുത്ത എതിരാളി ബിജെപിയുടെ സുവന്ത് സിങ് 71,083 വോട്ടു നേടി. പത്തൊന്പതു റൗണ്ട് പിന്നിട്ടപ്പോള് തന്നെ ബിജെപി സ്ഥാനാര്ഥി പരാജയം സമ്മതിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ