വാഹനമിടിച്ചത് ചോദ്യം ചെയ്തു ; ആളെ ബോണറ്റിൽ തൂക്കി രണ്ട് കിലോമീറ്ററോളം കാർ ഓടിച്ചു ; 23 കാരൻ അറസ്റ്റിൽ (വീഡിയോ)

ഗാ​സി​യാ​ബാ​ദ്: അമിത വേ​ഗതയിലെത്തിയ കാർ ഇടിച്ചത് ചോദ്യം ചെയ്യാനെത്തിയ കാബ് ഡ്രൈവറെയും കൊണ്ട് കാർ ഓടിച്ചു. കാ​റി​ന്‍റെ ബോ​ണ​റ്റി​ൽ തൂ​ങ്ങി​ക്കി​ട​ന്ന ആ​ളു​മാ​യി കാ​ർ ഓ​ടി​ച്ച​ത് ര​ണ്ടു കി​ലോ​മീ​റ്റ​ർ ദൂരത്തോളമാണ്. ഉ​ത്ത​ർ​പ്ര​ദേ​ശി​ലെ ഗാ​സി​യാ​ബാ​ദിൽ ബുധനാഴ്ച രാവിലെയാണ്  സം​ഭ​വം. ഇതിന്റെ വീഡിയോ സോഷ്യൽ മീഡിയയിൽ വൈറലാണ്.

കാ​ബ് ഡ്രൈ​വ​റാ​യ 23 വ​യ​സു​കാ​ര​ൻ രോ​ഹ​ൻ മി​ത്ത​ലാ​ണ് യുവാവിനെ ബോണറ്റിൽ തൂക്കി കാ​ർ ഓ​ടി​ച്ച​ത്. നോ​യി​ഡ 62ലേ​ക്ക് മ​ട​ങ്ങി​വ​രി​ക​യാ​യി​രു​ന്ന കാ​ബ് ഡ്രൈ​വ​ർ വി​ർ​ഭ​ൻ സിം​ഗി​ന്‍റെ കാ​റി​ൽ അ​മി​ത വേ​ഗ​ത​യി​ലെ​ത്തി​യ രോഹന്‍റെ കാ​ർ ഇ​ടിച്ചു. ഇ​ക്കാ​ര്യം ചോ​ദി​ക്കാ​നെ​ത്തി​യ കാ​ബ് ഡ്രൈ​വ​ർ രോഹിതിന്‍റെ കാ​ർ ത​ട​ഞ്ഞു. കാ​ർ റോ​ഡ​രു​കി​ൽ ഒ​തു​ക്കി രോഹനോട് പു​റ​ത്തി​റ​ങ്ങാ​ൻ ആ​വ​ശ്യ​പ്പെ​ട്ടു. 

എ​ന്നാ​ൽ കാ​റു​മാ​യി വേ​ഗ​ത്തി​ല്‍ ഓ​ടി​ച്ചു​പോ​കാ​ൻ രോ​ഹ​ൻ ശ്രമിച്ചു. ഇത് തടയാനായി കാറിന്റെ ബോണറ്റിൽ പിടിച്ച യുവാവിനെയും കൊണ്ട് രോ​ഹ​ൻ  അപകടകരമായി വാഹനം ഓടിക്കുകയായിരുന്നു.   ര​ണ്ടു കി​ലോ​മീ​റ്റ​റോളം വീർഭൻ കാറിന്റെ ബോണറ്റിൽ തൂങ്ങിക്കിടന്നു.  ഒ​ടു​വി​ൽ നാ​ട്ടു​കാ​രും പൊ​ലീ​സും ചേ​ർ​ന്നു കാ​ർ ത​ടഞ്ഞ് ഇയാളെ രക്ഷിക്കുകയായിരുന്നു. 

സം​ഭ​വ​ത്തി​ൽ വി​വേ​ക് വി​ഹാ​ർ സ്വ​ദേ​ശി​യാ​യ പ്ര​തി രോ​ഹ​ൻ മി​ത്ത​ലി​നെ​തി​രെ ഇ​ന്ദി​രാ​പു​രം പൊ​ലീ​സ് കേ​സെ​ടു​ത്തു. ഐ​പി​സി– 279 (അ​മി​ത വേ​ഗ​ത്തി​ൽ വാ​ഹ​ന​മോ​ടി​ക്ക​ൽ), 307(കൊ​ല​പാ​ത​ക​ശ്ര​മം) തു​ട​ങ്ങി​യ വ​കു​പ്പു​ക​ൾ ചു​മ​ത്തി​യാ​ണ് കേ​സെ​ടു​ത്ത​ത്. ഇയാളെ പൊലീസ് അറസ്റ്റ് ചെയ്തിട്ടുണ്ട്.