ഭുവനേശ്വര്‍: അപകടത്തില്‍പ്പെട്ട വാഹനത്തില്‍ നിന്ന് കോഴികളെ കട്ടെടുക്കുന്ന ഒരുകൂട്ടം ആളുകളുടെ ദൃശ്യങ്ങളാണ് സമൂഹമാധ്യമങ്ങളില്‍ വൈറല്‍. ഒഡീഷയിലെ സമ്പാല്‍പൂര്‍ ജില്ലയാണ് സംഭവം. വിപണനത്തിനായി മാര്‍ക്കറ്റില്‍ പോകുന്നതിനിടെയാണ് കോഴികളെ നിറച്ച മിനി ലോറി അപകടത്തില്‍പ്പെട്ടത്.
റോഡിലേക്ക് ചെരിഞ്ഞ് വീണ ലോറിയില്‍ നിന്ന് കോഴികള്‍ പുറത്തേക്ക് വീഴുന്നതുകണ്ട നാട്ടുകാരാണ് ആദ്യം കോഴികളെ എടുത്ത് വീട്ടിലേക്ക് കൊണ്ടുപോകാന്‍ തുടങ്ങിയത്. സൈക്കിളിലും ബൈക്കിലുമായെത്തിയവര്‍ നാലും അഞ്ചും കോഴികളെയാണ് കൊണ്ടുപോയത്. ചിലര്‍ ഇരുകൈകളിലും കൊള്ളാവുന്നത്ര കോഴികളെ സ്വന്തമാക്കി സ്ഥലംവിട്ടു. മറ്റു ചിലര്‍ ഇനിയും കോഴികളെ കിട്ടുമോ എന്നറിയാനായി കാത്തുനില്‍ക്കുകയാണ്. നിലത്തുവീണ കോഴികളെ എടുക്കാതെ ലോറിക്കകത്തുനിന്ന് കോഴികളെ വലിച്ചെടുത്ത് കൊണ്ടുപോയവരും കൂട്ടത്തിലുണ്ട്.
പട്ടാപ്പകല്‍ കോഴികളെ മോഷ്ടിച്ച് കോഴിക്കള്ളമാരുടെ ദൃശ്യങ്ങള്‍ ഒഡീഷയിലെ പ്രാദേശിക ചാനലായ ഒടിവി ന്യൂസ് ആണ് ട്വിറ്ററിലൂടെ പങ്കുവച്ചത്. 17 സെക്കന്റ് ദൈര്‍ഘ്യമുള്ള വീഡിയോ കണ്ടവരെല്ലാം ഒന്നടങ്കം ചിരിക്കുകയാണ്. അതേസമയം, നാട്ടുകാര്‍ കോഴികളെ ചോദിക്കാതെയും പറയാതെയും കൊണ്ടുപോകുമ്പോള്‍ വാഹനം റിപ്പയേര്‍ ചെയ്യേണ്ട തിരക്കിലായിരുന്നു െ്രെഡവറും സഹായിയും. ആളുകള്‍ കോഴികളെ കൂട്ടമായി കൊണ്ടുപോകുന്നതെന്നും അവര്‍ രണ്ടുപേരും വകവയ്ക്കുന്നതേയില്ല.
<
p>
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
