ബംഗലൂരു : സിനിമയിലെ ഡയലോഗ് പറഞ്ഞുകൊണ്ട് പത്തുവയസ്സുകാരിയെ ചുറ്റിക കൊണ്ട് അടിച്ച സംഭവത്തിൽ അച്ഛൻ അറസ്റ്റിൽ. കുട്ടിയെ ആക്രമിച്ചതിന്റെ ദൃശ്യങ്ങൾ വൈറൽ ആയതോടെയാണ് പൊലീസ് കേസ് എടുത്തത്. കെജിഎഫ് സിനിമയിലെ സംഭാഷണങ്ങൾ പറഞ്ഞുകൊണ്ടായിരുന്നു ആക്രമണം. കർണാടകയിലെ ഹാസനിലെ ചെമ്പകനഗറിലാണ് സംഭവം.
കാപ്പി എസ്റ്റേറ്റ് ഉടമയായ അൻപതുകാരനാണ് അറസ്റ്റിലായത്. തന്‍റെ രണ്ട് പെൺമക്കളിൽ ഒരാളെയാണ് ഭാര്യയുടെ മുന്നിൽവെച്ചു ഇയാൾ മദ്യലഹരിയിൽ ചുറ്റിക കൊണ്ട് അടിച്ചത്. മക്കളിൽ ഒരാൾ തന്നെ ഇതിന്റെ ദൃശ്യങ്ങൾ എടുത്തു. ഈ ദൃശ്യങ്ങളാണ് പുറത്തായത്.
കെജിഎഫ് സിനിമയിലെ നായകനെപ്പോലെ ചുറ്റിക കൊണ്ട് അടിക്കുമെന്നു പറയുന്ന ഇയാൾ അതിലെ സംഭാഷണങ്ങളും പറയുന്നുണ്ട്. സംഭവത്തില്‍ ഭര്‍ത്താവിനെതിരെ ഭാര്യ പരാതിയും നൽകി. ആൺകുട്ടികൾ ഇല്ലാതിരുന്ന ദേഷ്യത്തിൽ ഇയാൾ പെൺകുട്ടികളെയും ഭാര്യയെയും പതിവായി ഉപദ്രവിച്ചിരുന്നു എന്ന് പൊലീസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
