ഗൊരഖ്പുര്: ഭര്ത്താവുമായി ഫോണില് സംസാരിച്ചുകൊണ്ടിരിക്കെ അറിയാതെ, ഇണ ചേര്ന്നുകൊണ്ടിരുന്ന പാമ്പുകള്ക്കു മേല് ഇരുന്ന യുവതി പാമ്പു കടിയേറ്റു മരിച്ചു. ഉത്തര്പ്രദേശിലെ ഗൊരഖ്പുരില് റിയാന്വ് ഗ്രാമത്തിലാണ് ദാരുണമായ സംഭവമുണ്ടായത്.
ഗീത എന്ന യുവതിയാണ്, വീട്ടിനുള്ളില് വച്ച് പാമ്പു കടിയേറ്റു മരിച്ചത്. ഗീതയുടെ ഭര്ത്താവ് ജയ് സിങ് യാദവ് തായ്ലന്ഡിലാണ്. ഭര്ത്താവുമായി ഫോണില് സംസാരിച്ചുകൊണ്ട് മുറിയിലേക്കു കടന്നുവന്ന ഗീത മുറിയിലെ കിടക്കയില് ഇരുന്നപ്പോഴാണ് പാമ്പു കടിയേറ്റത്.
ജനല് വഴി വീട്ടിനുള്ളില് കടന്ന പാമ്പുകള് കിടക്കയില് ഉള്ളത് ഗീത കണ്ടില്ല. ഡിസൈന് ഉള്ള കിടക്ക വിരി കാരണം പാമ്പുകള് പെട്ടെന്നു ശ്രദ്ധയില് വന്നിട്ടുണ്ടാവില്ലെന്നാണ് സമീപവാസികള് പറയുന്നത്. വീട്ടിനുള്ളില് കടന്ന പാമ്പുകള് കിടക്കയില് ഇണചേരുകയായിരുന്നു. ഇത് അറിയാതെ ഗീത പാമ്പുകള്ക്കു മേല് ഇരിക്കുകയായിരുന്നു. കടിയേറ്റ യുവതി പെട്ടെന്നു തന്നെ ബോധരഹിതയായി നിലം പതിച്ചു.
കുറച്ചു കഴിഞ്ഞ് മുറിയിലെത്തിയ വീട്ടുകാരാണ് വീണു കിടക്കുന്ന യുവതിയെ കണ്ടത്. പാമ്പുകള് അപ്പോഴും കിടക്കയില് ഉണ്ടായിരുന്നു. ബഹളം കേട്ടു ഓടിക്കൂടിയ നാട്ടുകാര് പാമ്പുകളെ തല്ലിക്കൊന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ